Qazaqstanda temekige swranıs azayğan

Osı jıldıñ mamır ayındağı nätije boyınşa Qazaqstanda temekiniñ bir qorabı 10,2%-ğa nemese orta eseppen 340 teñgege deyin köterilgen.

Al öñirlerdegi bağağa keler bolsaq temekiniñ bir qorabı üşin qımbat tölemdi Jezqazğan (363 teñge, bir jılda 9,3%-ğa qımbattağan), Astana (357 teñge, bir jılda 9,3%-ğa qımbattağan), Aqtau (355 teñge, bir jılda 7,6%-ğa qımbattağan) twrğındarı jasağan.

Energyprom agenttiginiñ mälimetinşe, tabak önimderi akcizderiniñ köteriluine baylanıstı bağanıñ köterilui zañdı. 2016 jılmen salıstırğanda osı jılı akciz qwnı 24%-ğa nemese 1000 danasanıñ bağası 5 mıñ teñgeden 6200 teñgege deyin köterligen. Al 2018 jılı mölşerlemeni 7, 5 mıñ teñgege, 2019 jılı 8,7 mıñ teñgege köteru josparlanğan.

Bwdan bölek temeki jäne basqa da tabak önimderin şığaru Qazaqstanda qısqarıp jatır. Osı jıldıñ qañtar-mamır ayında 5,1 mlrd dana temeki şığarılğan jäne bwl ötken jıldıñ säykes kezeñimen salıstırğanda 22,4%-ğa tömen. Al 2016 jılğı körsetkiş 2015 jılğa qarağanda 5,9%-ğa tömen bolğan.

Osı jıldıñ tört ayında tek öndiris qana emes, temekige swranıs ta azayğan. İşki narıqtağı satılım bir jıl işinde 14%-ğa tömendegen. Import kölemi de ötken jılğa qarağanda 14,9%-ğa azayğan.