Foto: Regnum

Harvi jäne Irma dauıldarınıñ şığını 290 mlrd dollarğa bağalandı. Aua rayı boljamın jasauşı amerikalıq AccuWeather bwl aqşa AQŞ-tıñ jalpı işki öniminiñ 1,5 payızın qwraytının habarladı. Bwl turalı APF aqparattıq agenttigi jazdı. 

AccuWeather firmasınıñ bas direktorı Djoel' Mayers Irma dauılın eñ qımbat tabiğat qwbılıstarına balap, onıñ keltirgen şığını 300 mlrd dollar dep körsetti. Tehas pen Luiziana ştatın äbigerge salğan Harvi dauılı AQŞ tarihındağı eñ ülken apattardıñ biri esebinde saqtalıp, memlekettik qazınağa 190 mlrd dollar şığın keltirdi.

Djoel' Mayers atalğan esepteulerdi jürgizu barısında, dauıldan kelgen materialdıq şığındardan bölek, onıñ saldarınan tuındaytın qiındıqtardı qosa eseptegenin aytadı. Ökinişke oray, saqtandıru kompaniyaları şığındardıñ tolıq böligin ötey almaydı.

“The Qazaq Times”