فوتو: Regnum

حارۆي جانە يرما داۋىلدارىنىڭ شىعىنى 290 ملرد دوللارعا باعالاندى. اۋا رايى بولجامىن جاساۋشى امەريكالىق AccuWeather بۇل اقشا اقش-تىڭ جالپى ىشكى ءونىمىنىڭ 1,5 پايىزىن قۇرايتىنىن حابارلادى. بۇل تۋرالى APF اقپاراتتىق اگەنتتىگى جازدى. 

AccuWeather فيرماسىنىڭ باس ديرەكتورى دجوەل مايەرس يرما داۋىلىن ەڭ قىمبات تابيعات قۇبىلىستارىنا بالاپ، ونىڭ كەلتىرگەن شىعىنى 300 ملرد دوللار دەپ كورسەتتى. تەحاس پەن لۋيزيانا شتاتىن ابىگەرگە سالعان حارۆي داۋىلى اقش تاريحىنداعى ەڭ ۇلكەن اپاتتاردىڭ ءبىرى ەسەبىندە ساقتالىپ، مەملەكەتتىك قازىناعا 190 ملرد دوللار شىعىن كەلتىردى.

دجوەل مايەرس اتالعان ەسەپتەۋلەردى جۇرگىزۋ بارىسىندا، داۋىلدان كەلگەن ماتەريالدىق شىعىنداردان بولەك، ونىڭ سالدارىنان تۋىندايتىن قيىندىقتاردى قوسا ەسەپتەگەنىن ايتادى. وكىنىشكە وراي، ساقتاندىرۋ كومپانيالارى شىعىنداردىڭ تولىق بولىگىن وتەي المايدى.

“The Qazaq Times”