Foto: invest.gov.kz

 "Kazakh Invest" Wlttıq kompaniyası" AQ men Türkiya käsipkerleri arasında jalpı soması 590 million AQŞ dollar bolatın investiciyalıq qwjattarğa qol qoyıldı. Kelisimder men memorandumdar Calik Holding, Yildirim Holding, Yildizlar SSS Holding, Agrobest Group jäne basqa iri türik holdingterimen jasaldı, dep habarlaydı kompaniyanıñ baspasöz qızmeti. 

Kelisim boyınşa Qazaqstannıñ är-türli öñirlerinde qwrılıs materialdarın, maşina jasau, himiya önerkäsibi, tau-metallurgiyalıq sektor, energetika önimderin öndiru jobaların iske asıru josparlanğan.

Kompaniyanıñ mälimetinşe, soñğı bes jılda türik investorlarımen 667,5 mln AQŞ dolları somasına 18 joba iske asırılğan. Aldağı uaqıtta jaña 10 jobanı iske asıru josparlanğan.

Qazirgi kezde qazaq-türik arasındağı investiciyalıq bastamalardıñ jalpı paketinde qwnı 2,7 mlrd AQŞ dolların qwraytın 70 joba bar, olardıñ işinde 31 joba iske asırıldı, jäne şamamen 40 joba perspektivalı jäne iske asırıluı mümkin.

"Türkiyadan Qazaqstanğa 2005 jıldan bastap 2017 jıldıñ 1 toqsanına deyin kelgen tikeley şeteldik investiciya -$ 2,1 mlrd qwradı. 2017 jıldıñ 6 ayınıñ qorıtındıları boyınşa sırtqı sauda aynalımı - 925,1 mln  dollar(2016 jıldıñ wqsas kezeñimen salıstırğanda ösu 36,1%-dı qwradı). 2017 j. 1 şildesine Qazaqstanda  türkiyalıq 4114 zañdı twlğa tirkeldi, olardıñ işinde 1831 jwmıs isteydi".

“The Qazaq Times”