تۇركيا كاسىپكەرلەرى قازاقستانعا ينۆەستيتسيا سالۋعا دايىن

 "Kazakh Invest" ۇلتتىق كومپانياسى" اق مەن تۇركيا كاسىپكەرلەرى اراسىندا جالپى سوماسى 590 ميلليون اقش دوللار بولاتىن ينۆەستيتسيالىق قۇجاتتارعا قول قويىلدى. كەلىسىمدەر مەن مەموراندۋمدار Calik Holding, Yildirim Holding, Yildizlar SSS Holding, Agrobest Group جانە باسقا ءىرى تۇرىك حولدينگتەرىمەن جاسالدى، دەپ حابارلايدى كومپانيانىڭ ءباسپاسوز قىزمەتى. 

كەلىسىم بويىنشا قازاقستاننىڭ ءار-ءتۇرلى وڭىرلەرىندە قۇرىلىس ماتەريالدارىن، ماشينا جاساۋ، حيميا ونەركاسىبى، تاۋ-مەتاللۋرگيالىق سەكتور، ەنەرگەتيكا ونىمدەرىن ءوندىرۋ جوبالارىن ىسكە اسىرۋ جوسپارلانعان.

كومپانيانىڭ مالىمەتىنشە، سوڭعى بەس جىلدا تۇرىك ينۆەستورلارىمەن 667,5 ملن اقش دوللارى سوماسىنا 18 جوبا ىسكە اسىرىلعان. الداعى ۋاقىتتا جاڭا 10 جوبانى ىسكە اسىرۋ جوسپارلانعان.

قازىرگى كەزدە قازاق-تۇرىك اراسىنداعى ينۆەستيتسيالىق باستامالاردىڭ جالپى پاكەتىندە قۇنى 2,7 ملرد اقش دوللارىن قۇرايتىن 70 جوبا بار، ولاردىڭ ىشىندە 31 جوبا ىسكە اسىرىلدى، جانە شامامەن 40 جوبا پەرسپەكتيۆالى جانە ىسكە اسىرىلۋى مۇمكىن.

"تۇركيادان قازاقستانعا 2005 جىلدان باستاپ 2017 جىلدىڭ 1 توقسانىنا دەيىن كەلگەن تىكەلەي شەتەلدىك ينۆەستيتسيا -$ 2,1 ملرد قۇرادى. 2017 جىلدىڭ 6 ايىنىڭ قورىتىندىلارى بويىنشا سىرتقى ساۋدا اينالىمى - 925,1 ملن  دوللار(2016 جىلدىڭ ۇقساس كەزەڭىمەن سالىستىرعاندا ءوسۋ 36,1%-دى قۇرادى). 2017 ج. 1 شىلدەسىنە قازاقستاندا  تۇركيالىق 4114 زاڭدى تۇلعا تىركەلدى، ولاردىڭ ىشىندە 1831 جۇمىس ىستەيدى".

“The Qazaq Times”