Biıl Qazaqstan men Türkiya tauar aynalımı 50%-ğa artqan. Bwl turalı SİM baspasöz qızmeti habarladı.

QR Sırtqı ister ministri Beybit Atamqwlov pen Türkiya Sırtqı ister ministri Mevlyut Çavuşoğlu strategiyalıq josparlau jönindegi birlesken tobınıñ V otırısınıñ qorıtındılsı boyınşa kezdesu wyımdastırdı. Jiın barısında qos tarap tauarlıq aynalım jäne diplomatiyalıq baylanıstı talqığa salıp, ekijaqtı qarım-qatınastağı strategiyalıq jetistiktiñ 10 jıldığına toqtalıp ötti. B.Atamqwlov sözinde: "Bügin Mevlyut Çavuşoğlumen öte jemisti kezdesu ötkizdik. Qazaq halqı men türik halqı tamırı tereñ tartqan wlı bäyterektiñ eki ülken bwtağı ispetti. Qazaqstan azattıq alğannan keyin eki el arasındağı ıntımaqtastıq birden qarqındı dami bastadı. Büginde Qazaqstan men Türkiya sayasi, sauda-ekonomikalıq, mädeni-gumanitarlıq, äskeri jäne basqa salalarda belsendi türde ıntımaqtastıq jürgizude", - dep mälimdedi.

Aldağı uaqıtta eki el «Jaña sinergiya» birlesken ekonomikalıq bağdarlamasın iske asıru maqsatında birşama is-şaralardı jüzege asırmaq.

Ayta keteyik, qazirgi uaqıtta Qazaqstanda türik kapitalınıñ qatısuımen 2200-den astam käsiporın jwmıs isteydi. Biılğı jıldıñ alğaşqı toqsanında ekijaqtı tauar aynalımı aldıñğı jılmen salıstırğanda 50%-dan asıp, 632 mln dollarğa jetken.

"The Qazaq Times"