Foto: jrsl.ca

2017 jıldıñ tamız ayında Qazaqstan mwnayınıñ ortaşa bağası tonnasına 44 mıñ teñge boldı. Osılayşa jıl basınan beri otandıq qara altın 13,6%-ğa qımbattağan. 

Statistkalıq mälimetke sensek, tamız ayında eñ qımbat mwnay Qızılorda öñiriniki bolğan. Mwnda mwnaydıñ tonnası 63,8 mıñ teñge şamasında tirkelgen jäne şikizat bağası jıl basınan beri 20,5%-ğa qımbattağan.

Al Aqtöbe mwnayınıñ bağası tonnasına 50,5 mıñ teñgeni qwrağan. Jıl basınan bergi ösim - 28,5%. Atıraudiki  – 41,7 mıñ teñge (10,6% ösim), Mañğıstau mwnayınıñ tonnası - 40,4 mıñ teñge (13,4% ösim).

Sonday-aq, şilde ayında benzinniñ tonnası 129,7 mıñ teñgege bağalandı jäne jıl basınan beri 4,5%-ğa qımbattağan. Dizel' otınınıñ bağası  14,5%-ğa joğarılap, 126,8 mıñ teñgege jetti.

Ayta keteyik, elimizdiñ ekonomikası mwnay narığına täueldi bolğandıqtan, şikizat bağasınıñ arzandap nemese qımbattauı mañızdı. Sebebi el biligi äzirge ekonomikanı quattandıratın bwdan basqa salağa äli bet bwra almay otır.

“The Qazaq Times”