AQŞ mwnay öndirisi älemdik narıqqa äser etpek. Foto: Reuters.

Halıqaralıq energetika agenttigi 27 aqpanda mälimdeme jasap, AQŞ 2019 jılğa barğanda älemdegi eñ iri mwnay öndiruşi el sanalatın Reseydi basıp ozatının alğa tarttı. HEA-nıñ mejesine qarağanda, AQŞ-tıñ mwnay öndirudegi bwl tıñ tebini jahandıq narıqqa ülken äser etetinin ayttı. Bwl turalı «People» basılımı habarladı.

Atalğan mälimetti Halıqaralıq energetika agenttiginiñ atqaruşı direktorı Tokioda ötken otırısta jariya etti. Ol AQŞ biıl bolmasa da, kelesi jılı Reseydiñ iri mwnay öndiruşi orının ieleydi dep senim bildirdi. Reuters agenttigine bergen swhbatında Bilor: «Qwrama Ştattağı mwnay öndiru qarqını twraqtı türde artıp keledi. Köp wzamay älemdegi eñ iri mwnay öndiruşi el bolatını sözsiz», – degen.

Ötken ğasırdıñ 70-şi jıldarınan beri eseptegende, tek 2017 jılıdıñ soñında ğana AQŞ-tıñ şiki mwnay öndirisi alğaş ret täuligine 10 million barrel'den asıp, mwnay alıbı sanalatın Saud Arabiyanı artta qaldırğan. Aqpan ayınıñ bas şeninde de, HEA mälimdeme jasap, jıl soñına jetkende AQŞ-tıñ mwnay öndirisi künine 11 mln barrel'ge jetedi. Bwl deñgeyde AQŞ Reseyden asıp tüsetinin aytqan. Bwğan qosa Bilordıñ oyınşa, Qwrama Ştattıñ mwnay öndirisindegi qarqını keminde 4-5 jıl toqtamaydı.

Reuters agenttigi jasağan saraptamada, «mwnay eksporttauşı elderdiñ wyımı jäne Reseydi qamtığan basqa iri mwnay öndiruşi elder, öz narığın wstap twru üşin öz önimderin baqılaudı küşeytui kerek, sebebi, AQŞ-tıñ mwnay öndirisindegi jaña tebin älemdik mwnay narığın bwzadı» degen oy aytılğan.

AQŞ mwnayı älemdegi eñ iri jäne tez ösip kele jatqan Aziya narığına eksporttaladı. Al onda Mwnay eksporttauşı elder wyımı men Reseydiñ narıqtıq ülesi bar.

“The Qazaq Times”