فوتو: jrsl.ca

2017 جىلدىڭ تامىز ايىندا قازاقستان مۇنايىنىڭ ورتاشا باعاسى تونناسىنا 44 مىڭ تەڭگە بولدى. وسىلايشا جىل باسىنان بەرى وتاندىق قارا التىن 13,6%-عا قىمباتتاعان. 

ستاتيستكالىق مالىمەتكە سەنسەك، تامىز ايىندا ەڭ قىمبات مۇناي قىزىلوردا وڭىرىنىكى بولعان. مۇندا مۇنايدىڭ تونناسى 63,8 مىڭ تەڭگە شاماسىندا تىركەلگەن جانە شيكىزات باعاسى جىل باسىنان بەرى 20,5%-عا قىمباتتاعان.

ال اقتوبە مۇنايىنىڭ باعاسى تونناسىنا 50,5 مىڭ تەڭگەنى قۇراعان. جىل باسىنان بەرگى ءوسىم - 28,5%. اتىراۋدىكى  – 41,7 مىڭ تەڭگە (10,6% ءوسىم), ماڭعىستاۋ مۇنايىنىڭ تونناسى - 40,4 مىڭ تەڭگە (13,4% ءوسىم).

سونداي-اق، شىلدە ايىندا بەنزيننىڭ تونناسى 129,7 مىڭ تەڭگەگە باعالاندى جانە جىل باسىنان بەرى 4,5%-عا قىمباتتاعان. ديزەل وتىنىنىڭ باعاسى  14,5%-عا جوعارىلاپ، 126,8 مىڭ تەڭگەگە جەتتى.

ايتا كەتەيىك، ەلىمىزدىڭ ەكونوميكاسى مۇناي نارىعىنا تاۋەلدى بولعاندىقتان، شيكىزات باعاسىنىڭ ارزانداپ نەمەسە قىمباتتاۋى ماڭىزدى. سەبەبى ەل بيلىگى ازىرگە ەكونوميكانى قۋاتتاندىراتىن بۇدان باسقا سالاعا ءالى بەت بۇرا الماي وتىر.

“The Qazaq Times”