Foto: Getty Images

BWW zertteu tobı Burundi memleketiniñ biligin halıqqa körsetilip jatqan zorlıq-zombılıq äreketteri üşin ayıptap, Halıqaralıq Qılmıstıq Sottan osı iske qatıstı proces bastaudı swradı. Bwl turalı Äl-Jazira aqparattıq agenttigi jazdı. 

BWW-nıñ Adam qwqıqtarı jönindegi konsulınıñ üş qızmetkeri Burundiğa kiruge biliktiñ rwqsatın ala almağandıqtan, osı elden qaşqan halıqtı swrap, tekseru arqılı Afrika memleketinde adamzatqa qarsı qılmıs bolğanın jäne ol äli de jalğasıp jatqanın habarladı.

Beybit twrğındarğa qarsı jasalğan zorlıq-zombılıq äreketteri memlekettik sayasat esebinde jürgiziletinin jetkizgen BWW ökilderi 500-ge juıq qwrbanmen tildeskenderin aytadı. BWW-nıñ keltirgen derekterine säykes, ärtürli qaqtığıstar kesirinen şamamen 500 nemese 2 mıñ adam qaza tauıp, 400 mıñ twrğın elden ketken.

Burundidiñ Prezidenti öziniñ tvitter paraqşasında bayandama jasağan zertteuşilerge Euroodaq pen Batıs memleketteri aqşa tölegen dep ayıptap, jalğan aqparattı paydalanıp, olar AFrikanı qwldıqqa tüsirmek degen pikir bildirdi.

“The Qazaq Times”