Foto: Kapital.kz

Keşe QR Prezidenti Nwrswltan Nazarbaev Parlamenttiñ qos palatasınıñ birlesken otırısında Wlttıq banktiñ mümkindikterin barınşa keñeyte tüsu kerek ekenin aytqan. Prezidenttiñ sözinşe, qazirgi kezde Wlttıq banktiñ ekinşi deñgeyli bankterdiñ qarız aluına tıyım sala alatınday mümkindigi joq. Endi osını qolğa alu kerek eken. YAğni Prezidenttiñ bwl sözinen aldağı uaqıtta ekinşi deñgeyli bankterdi tekseru odan sayın arta tüsui mümkin ekenin añğaruğa boladı. Degenmen soñğı kezde bank sektorın sauıqtıru şaralarınıñ qolğa alınıp jatqanın eskersek, memleket basşısınıñ bwdan bwrın aytqandarı keşegi otırısta aytqan sözine qarama qayşı siyaqtı.

Mısalı keşe Prezident ekinşi deñgeyli bankterdiñ jağdayınıñ naşarlauı olardıñ sauatsız menedjmentine baylanıstı ekenin ayta kelip, deputattardan bankter bankrot bolıp jatqanda, olardı qwtqaruğa qarjı qwyıp otırmaudıñ jolın qarastırudı swradı.

"Bankter jwmıs isteydi, isteydi, endi jağdayı qiındağanda olardı memleket qarjılandıru kerek pe? Mwnı toqtatu kerek. Mwnday bankterge qarjı salğanşa jwmısın toqtatıp öz qolımızğa aluımız kerek", - degen Prezident.

Alayda QR Prezidenti bwdan bwrın, 2016 jıldıñ qaraşa ayında amerikalıq Bloomberg agenttigine bergen swhbatında  2015 jıldan bastap tiimsiz basqaru men ekonomikalıq dağdarıs äserinen merzimi ötip ketken qarızı köbeyip, kapitalı azayğan qarjı instituttarınıñ biri Qazkom-dı "qwtqaruğa" uäde bergen.

Osıdan soñ Wlttıq bank Qazkom-ğa qısqa uaqıtqa 400,8 milliard teñge qarız bergenin mälimdedi. Sonday-aq, bas bank Qazkom akcionerlerimen kapitaldandıru deñgeyin arttıru jöninde kelissöz jürgizip jatqanın da habarlağan bolatın. Al keyin atalğan bankke Qazaqstannıñ Halıq Banki qarjı qwydı. Halıq bank artıqşılıqtı satıp alu qwqığın jüzege asıra otırıp, Qazkom-nıñ jay akciyalarınıñ 96,81% ülesin nemese 185 mlrd teñgege 1 296 698 676 danasın satıp aldı. Osılayşa Qazkom-nıñ jağdayı biraz twraqtaldı nemese "qwtqarıldı".

Tağı bir eskeretin jayt, bankterge qarjı bere berudi toqtatu kerek ekenin aytqan Prezident  osı jıldıñ naurızında bank sektorın sauıqtıru üşin Wlttıq qordan aqşa bölu turalı qaulığa qol qoyğan. Prezident qaulısında  "Wlttıq qordan bank sektorın sauıqtıru üşin respublikalıq byudjetke 2017 jılğa 1 trln 92 mlrd 941 mln 288 mıñ 400 teñge bölu" turalı aytılğan edi.

Mine, ekinşi deñgeyli bankterge qatıstı qabıldanğan osınday şaralarğa qarap, bank sektorına qarjı böle bermeu kerektigi turalı tım keş oylanğandaymız. Degenmen Prezident aytsa, memleket qarjısına senim artqan, "Ne de bolsa memleket asıraydı" degen pikir qalıptastırğan keybir bankter ayılın jiıp, sanğa emes sapağa jwmıs isteuge kirisetin şığar degen senimdemiz.  Osıdan keyin "Ekonomikanı saqtap qalu üşin bankterdi sauıqtıru qajet" degen pikir joyılıp, bankterge kömek körsete beru de azayatın bolar.

“The Qazaq Times”