Foto: alcorecept.ru

Qazaqstanda kon'yak önimderiniñ satılımı ötken jılğı deñgeyden 1,5 esege artsa, şarap pen sıra satılımı 18% jäne 13%-ğa joğarılağan. Sarapşılardıñ pikirinşe, alkogol'di mineraldı sular men basqa da susındardı satu tek 7%-ğa köbeygen.

Sonımen alkogol'dik işimdikter arasında eñ köp öndirilgen kon'yak bolıp otır. Bir jılda +67,5% körsetkişke ie bolıp, 5,48 mln litr kon'yak öndirilgen. Al araq öndirisi kerisinşe 15,13 mln litrge deyin qısqarıp ketken.

Eenergyprom.kz saraptama agenttiginiñ mälimetinşe, qazaqstandıqtar bötelkedegi auız sudı ortaşa eseppen 77,1 teñgege satıp alğan. Bwl körsetkiş osı jıldıñ şilde ayımen salıstırğanda 0,1%-ğa, bir jıl bwrınğımen salıstırğanda 3,2%-ğa joğarı. İri qalalar arasında 1 litr auız sudıñ eñ qımbat bağası Almatığa tiesili. 1 litri - 87 teñge.

Sonday-aq, alkogol' önimderi de aytarlıqtay qımbattağan. Mısalı araqtıñ bağası bir ayda 1,5%-ğa, bir jılda 13,3%-ğa qımbat bolğan. 2017 jıldıñ tamız ayındağı 1 litr araqtıñ bağası ortaşa eseppen 2302,1 teñge. Araq eñ qımbat öñir Astana, ortaşa eseppen litri - 3050 teñge.

Ayta keteyik, Qazaqstanda osı jıldan bastap alkogol' önimderine akciz mölşerlemesin kezeñ-kezeñimen arttıru josparlanıp otır. YAğni 2017 jılı akciz qwnı litrine 2 mıñ teñgege (ötken jılğa qarağanda ösim - 45%), 2018 jılı - 2,275 mıñ teñgege (ösim 14%), al 2019 jılı- 2,55 mıñ teñgege (ösim 4%) joğarılauı mümkin.

“The Qazaq Times”