قازاقستاندا كونياك ساتىلىمى ارتقان

قازاقستاندا كونياك ونىمدەرىنىڭ ساتىلىمى وتكەن جىلعى دەڭگەيدەن 1,5 ەسەگە ارتسا، شاراپ پەن سىرا ساتىلىمى 18% جانە 13%-عا جوعارىلاعان. ساراپشىلاردىڭ پىكىرىنشە، الكوگولدى مينەرالدى سۋلار مەن باسقا دا سۋسىنداردى ساتۋ تەك 7%-عا كوبەيگەن.

سونىمەن الكوگولدىك ىشىمدىكتەر اراسىندا ەڭ كوپ وندىرىلگەن كونياك بولىپ وتىر. ءبىر جىلدا +67,5% كورسەتكىشكە يە بولىپ، 5,48 ملن ليتر كونياك وندىرىلگەن. ال اراق ءوندىرىسى كەرىسىنشە 15,13 ملن ليترگە دەيىن قىسقارىپ كەتكەن.

Eenergyprom.kz ساراپتاما اگەنتتىگىنىڭ مالىمەتىنشە، قازاقستاندىقتار بوتەلكەدەگى اۋىز سۋدى ورتاشا ەسەپپەن 77,1 تەڭگەگە ساتىپ العان. بۇل كورسەتكىش وسى جىلدىڭ شىلدە ايىمەن سالىستىرعاندا 0,1%-عا، ءبىر جىل بۇرىنعىمەن سالىستىرعاندا 3,2%-عا جوعارى. ءىرى قالالار اراسىندا 1 ليتر اۋىز سۋدىڭ ەڭ قىمبات باعاسى الماتىعا تيەسىلى. 1 ءليترى - 87 تەڭگە.

سونداي-اق، الكوگول ونىمدەرى دە ايتارلىقتاي قىمباتتاعان. مىسالى اراقتىڭ باعاسى ءبىر ايدا 1,5%-عا، ءبىر جىلدا 13,3%-عا قىمبات بولعان. 2017 جىلدىڭ تامىز ايىنداعى 1 ليتر اراقتىڭ باعاسى ورتاشا ەسەپپەن 2302,1 تەڭگە. اراق ەڭ قىمبات ءوڭىر استانا، ورتاشا ەسەپپەن ءليترى - 3050 تەڭگە.

ايتا كەتەيىك، قازاقستاندا وسى جىلدان باستاپ الكوگول ونىمدەرىنە اكتسيز مولشەرلەمەسىن كەزەڭ-كەزەڭىمەن ارتتىرۋ جوسپارلانىپ وتىر. ياعني 2017 جىلى اكتسيز قۇنى ليترىنە 2 مىڭ تەڭگەگە (وتكەن جىلعا قاراعاندا ءوسىم - 45%), 2018 جىلى - 2,275 مىڭ تەڭگەگە ء(وسىم 14%), ال 2019 جىلى- 2,55 مىڭ تەڭگەگە ء(وسىم 4%) جوعارىلاۋى مۇمكىن.

“The Qazaq Times”