Atırau oblısınıñ audanaralıq sotı «Halifat sarbazı» lañkestik wyımınıñ köşbasşısı Damir Zınalievtı 20 jılğa bas bostandığınan ayırdı.

Atırau oblısı sotınıñ baspasöz qızmetiniñ mälimetinşe, Zınaliev 2011 jıldıñ şilde ayında Päkistan aumağında qazaqstandıq eki azamatpen, bel'giyalıq bir azamatpen birigip «Halifat sarbazı» (Djund äl-halifat) lañkestik wyımın qwrğan. Terrorlıq wyımğa Qazaqstan, Täjikstan jäne arab elderiniñ azamattarın müşelikke qabıldanğan.

Damir Zınaliev 2011 jıldıñ 12-şi qırküyegi men 2-şi qazanı aralığında M.U jäne J.H esimdi azamattarmen birigip Almatı qalasında ornalasqan SİM men İİD-niñ ğimaratına lañkestik şabuıl wyımdastırğan. Däl osı jılı qazannıñ 28-i men 30-ı künderi aralığında Atırau qalasınıñ äkimşiligi men prokuratura ğimaratında jarılıs jasauğa kömektesken.

Soñğı sot otırısında ayıptaluşınıñ jasağan qılmıstarı tolıqtay däleldengen jäne Zınalievtıñ özi de osınday qılmıstarğa barğanına ökinetinin aytqan.

Esteriñizge salayıq, Damir Zınaliev 2017 jıldıñ basında Auğanstan aumağında qolğa tüsip, Qazaqstanğa ekstardiciyalanğan bolatın.

“The Qazaq Times”