Foto: ontustik.gov.kz

Oñtüstik Qazaqstan oblısınıñ Maqtaral audanında diqandar önim jinau kezeñin bastadı. Olar jalpı kölemi 1005 gektar jerge egilgen jemis-jidek pen jüzimnen  büginniñ özinde 2766 tonna önim jinadı. Bwl turalı oblıs äkimdiginiñ baspasöz qızmeti habarladı.

Diqandar otandıq narıqtı qamtamasız etumen qatar jemis-jidekterdi şetelderge eksporttauda.

Jemis-jidek öndiruşilerdiñ biri - «Arsenal sad» öndiristik kooperativi. Jer aumağı 350 gektardı qwraytın baqta jemisterdiñ barlıq türi ösiriledi. Mäselen, baqtıñ 110 gektarına jüzim, 100 gektarına alma, 22 gektarına şabdalı, 25 gektarına qara örik, 10 gektarına şie egilgen.

60 tonna jüzimdi Reseyge jibergen kooperativ qazirgi uaqıtta şabdalı jinau nauqanın bastap jibergen. Şabdalı öniminiñ basım böligi Resey Federaciyasına jiberiletin bolsa, qalğanı işki narıqta saudalanatın boladı.

Mwnda  150 adam twraqtı jwmıspen qamtılsa, nauqan kezinde 500-ge tarta jwmısşılar jwmısqa tartıladı. Önimderdi jinap, saraptap, sorttap, eksporttıq jäşikterge jayğastırğanğa deyingi jwmıstı tügeldey terimşiler atqaradı. Ärbir önim wzaq jolda jaramsızdanbauı üşin olardıñ jäşikterde dwrıs ornalasuı mañızdı.

“The Qazaq Times”