Jıl basınan beri bankterdiñ şığını 200 mlrd teñgege jetken

Jıl basınan beri bankterdiñ şığını 200 mlrd teñgege jetken. Bwl proviziyalardı qalıptastıru şığındarınıñ artuımen baylanıstı. Bwl turalı QR Wlttıq bankiniñ törağası Daniyar Aqışev mälimdedi. 

Onıñ sözinşe, jüyedegi qarız portfeli boyınşa proviziya 2,16 trln teñge nemese 1,6 payız deñgeyinde qalıptasqan. Qaytarılmaytın kreditterdiñ kölemi 10,7%-dan 12,8%-ğa, 1,72 trln teñgege jetken. Qazaqstandıq bankteriniñ jalpı aktivteri jıl basınan beri 6,8%-ğa tömendep, 23,8 trln teñgeni qwradı.

Sonday-aq, Daniyar Aqışev qazirgi uaqıtta bank narığında ötimdiliktiñ artıqşılığı bar ekenin jäne Qazaqstannıñ 15 iri bankiniñ 9-ı nesie kölemin wlğaytqanın atap ötti. Şilde ayında bankter arqılı ekonomikanı kreditteu 0,7%-ğa ösip, 12,79 trln teñgege deyin jetken. Al salalar boyınşa eñ köp kredit saudağa ( 18,7%), öndiriske (14,2%), qwrılısqa (7,6%), auıl şaruaşılığına (5,9%) jäne transport 4,6% salasına berilgen.

Bwdan bölek ekonomikanıñ dollarsızdanuı jalğasıp jatır. Dollarizaciya deñgeyi şilde ayında 1,1%-ğa tömendep, 48,6%-ğa deyin azayğan. Bas bankirdiñ sözinşe, bwl teñgeniñ deval'vaciyağa wşırauı mümkin degen qauesetke baylanıstı bolğan.

"Teñge älsireydi deuge eşbir negiz joq. Tamız ayınıñ basında wlttıq valyuta sırtqı jäne işki narıqtağı faktorlardıñ äserinen qısımğa wşıradı. Tipti dollardı satuşılardan göri satıp aluşılar köbeydi. Halıqtıñ teñgeniñ ayırbastau bağamına nazar audaruına keybir bwqaralıq aqparat qwraldarı men äleumettik jelilerdegi jariyalanımdar sebep boldı", - dedi Aqışev.

Bwdan bölek ol teñge-dollar boyınşa operaciyalardıñ jalpı kölemi 2017 jılğı şildede 11,9%-ğa tömendep, 11,9 mlrd dollar bolğanın ayttı.  KASE-de bolğan birja saudasınıñ kölemi de bir ayda 11,8%-ğa nemese 3,1 mlrd dollarğa deyin tömendegen. birjadan tıs bolatın operaciyalar kölemi 12%-ğa, 8,8 mlrd dollarğa deyin azayğan. AQŞ dolların ayırbastau punkterinde netto satıp alu 415,7 mln dollar bolğan.

"Qazaqstan ekonomikasına sankciyalar beytarap boladı dep esepteymiz jäne älemdik şikizat narığındağı twraqtılıqqa baylanıstı  Qazaqstan ekonomikasına keletin qauip tömen", - dedi bas bankir.

“The Qazaq Times”