Qazaqstannıñ Din isteri jäne azamattıq qoğam ministri Nwrlan Ermekbaev

«Bärine birdey wnaydı dep kütuge bolmaydı. Bizde onday illyuziya joq.
Biz qoğamnıñ barlıq jigi men toptarınıñ müddelerin eskere otırıp,
memlekettiñ müddesin negizge alamız. Eñ bastısı – memleket müddesin qatañ saqtau. Ärine, bärine wnauı mümkin emes». Qazaqstannıñ Din isteri jäne azamattıq qoğam ministri Nwrlan Ermekbaev Sayasat.kz saytına bergen swhbatında "Din salasındağı zañnamağa engiziletin tüzetulerdi qoğam qalay qabıldauı mümkin?" degen saualğa osılay jauap berdi.

Ayta keteyik, osı jıldıñ 20 mausımı küni QR Prezidenti Nwrswltan Nazarbaevtıñ jarlığımen Qazaqstan Respublikasınıñ din salasındağı memlekettik sayasatınıñ 2017 – 2020 jıldarğa arnalğan twjırımdaması bekitildi. Atalğan qwjattı Din isteri jäne azamattıq qoğam ministrligi äzirlegen.

Ministrdiñ sözinşe, twjırımdama zañ jobalau üşin jäne sayasi-teoriyalıq
negizderdi qwru üşin qajet. Twjırımdamanıñ negizinde zañnamağa özgerister
men tolıqtırular toptamasın äzirleu boyınşa jwmıs jürgizilude. Eger
onı talqılau oñ nätije beretin bolsa, 13 zañ men 4 kodekske şamamen 60
tüzetu men tolıqtırular engiziledi.

Sonday-aq, vedomstva basşısı: «Biz zañnamanı äzirleu kezinde
qoğamnıñ pikirine jüginemiz jäne tüzetulerdi qoğamnıñ barlıq ökilderimen
aşıq türde talqılau qağidasın wstanamız. Osı zañ jobasın dayındau
kezinde, joba sarapşılardıñ, dini birlestik ökilderiniñ, ÜEW ökilderiniñ
köptegen talqılauınan ötti. Bwl jwmıs äli de jalğasadı. Qaraşa-jeltoqsan aylarında onı Mäjiliske joldaudı josparlap otırmız» - dedi.

“The Qazaq Times”