Arıs pen Jambıldağı äskeri qoymalardıñ jarılısınan keyin eks-ministr Nwrlan Ermekbaev otstavkağa ketti. Bwl lauazımğa Arıs oqiğası kezinde sögis alğan birinşi orınbasarı Mwrat Bektanov tağayındaldı. 31 tamız 2021 jıl. Foto: QR PÄ

Jambıl oblısındağı äskeri qoymanıñ jarıluına baylanıstı qızmetinen ketken Nwrlan Ermekbaevtıñ ornına onıñ birinşi orınbasarı Mwrat Bektanov qorğanıs ministri bolıp tağayındaldı. 

1965 jılı tuğan general-leytenant Mwrat Bektanov 2020 jılı 5 säuirden bastap Qazaqstan qorğanıs ministriniñ birinşi orındasarı – Bas ştab bastığı qızmetin atqarğan, 2016-2019 jıldarı Qwrlıq äskeriniñ bas qolbasşısı bolğan.

Prezident Toqaev qorğanıs ministri qızmetin atqarğan Nwrlan Ermekbaevtıñ Jambıl oblısı Bayzaq audanındağı äskeri qoyma jarılğannan keyin otstavkağa jiberu jöninde ötinişin qabıldağan.

26 tamız keşkisin Jambıl oblısı Bayzaq audanındağı №28349 äskeri bölimi aumağındağı oq-däri saqtalatın qoymada jarılıs boldı. Saldarınan 15 adam qaza tauıp, 98 adam zardap şekken. Oqiğa bolğan kezde habar-oşarsız ketken bir adamdı äli izdep jatır. Qattı dümpuden jüzden asa twrğın üy bülinip, mıñdağan adam evakuaciyalanğan.

Jeksenbi, 29 tamızda – Qazaqstan äskeri qoymadağı jarılıstan qaza tapqandardı aza twttı.

Nwrlan Ermekbaev Bayzaq audanındağı äskeri qoymadağı oq-däriler Arıs qalasındağı äskeri qoymadan äkelingenin rastağan.  2019 jılı 24 mausımında Arıstağı äskeri oq-däri qoyması jarılıp, tört adam qaza tapqan edi. Jarılıstan mıñdağın üy zaqımdanıp, Arıstıñ 40 mıñnan astam twrğını Şımkent qalası men töñiregindegi eldimekenderge evakuaciyalanğan. Qorğanıs ministri Nwrlan Ermekbaev pen onıñ orınbasarı Mwrat bektanovqa qosa sögis jariyalanıp, Arıs qalasındağı äskeri qoymağa jauaptı 16 adam arada eki jıl ötken soñ, biıl şildede sottalğan.

The Qazaq Times