Foto: kabrday.com

Jaqın uaqıtta WhatsApp jelisinde aqşa audaru jüyesi qosılatının boladı - dep habarlaydı Oxu.az aqparat közi.

Bwl aqparattı WhatsApp äleumettik jelisin qwrastıruşılardıñ biri Brayn Ekton jurnalisterge bergen swhbatında aytqan. Ol WhatsApp-tıñ jaña funkciyaları jayında: «Bizdiñ kompaniyamız aqşa ayırbastau jüyesin iske asıru maqsatında aldağı uaqıtta UPI qwrılğısımen birlesip jwmıs jasaytın boladı. Osıdan biraz uaqıt bwrın biz WhatsApp jelisiniñ jañartılğan nwsqasın sınaqtan ötkizdik. Endi WhatsApp-tıñ jaña nwsqasın tolıqtay iske qosu ğana qaldı» - degen.

WhatsApp äleumettik jelisiniñ jañartılğan nwsqası aqşanı tez arada jiberip, qısqa uaqıt aralığında aluğa mümkindik beredi. Äzirge aqşa audarımdarı üşin WhatsApp kompaniyası qanşa payız komissiya wstap qalatındığı belgisiz.

“The Qazaq Times”