فوتو: kabrday.com

جاقىن ۋاقىتتا WhatsApp جەلىسىندە اقشا اۋدارۋ جۇيەسى قوسىلاتىنىن بولادى - دەپ حابارلايدى Oxu.az اقپارات كوزى.

بۇل اقپاراتتى WhatsApp الەۋمەتتىك جەلىسىن قۇراستىرۋشىلاردىڭ ءبىرى براين ەكتون جۋرناليستەرگە بەرگەن سۇحباتىندا ايتقان. ول WhatsApp-تىڭ جاڭا فۋنكتسيالارى جايىندا: «ءبىزدىڭ كومپانيامىز اقشا ايىرباستاۋ جۇيەسىن ىسكە اسىرۋ ماقساتىندا الداعى ۋاقىتتا UPI قۇرىلعىسىمەن بىرلەسىپ جۇمىس جاسايتىن بولادى. وسىدان ءبىراز ۋاقىت بۇرىن ءبىز WhatsApp جەلىسىنىڭ جاڭارتىلعان نۇسقاسىن سىناقتان وتكىزدىك. ەندى WhatsApp-تىڭ جاڭا نۇسقاسىن تولىقتاي ىسكە قوسۋ عانا قالدى» - دەگەن.

WhatsApp الەۋمەتتىك جەلىسىنىڭ جاڭارتىلعان نۇسقاسى اقشانى تەز ارادا جىبەرىپ، قىسقا ۋاقىت ارالىعىندا الۋعا مۇمكىندىك بەرەدى. ازىرگە اقشا اۋدارىمدارى ءۇشىن WhatsApp كومپانياسى قانشا پايىز كوميسسيا ۇستاپ قالاتىندىعى بەلگىسىز.

“The Qazaq Times”