Yemenge qarastı su aydınında teñizge tastalğan bosqındar. Foto: Anatolı aqparattıq agenttigi.

BWW Halıqaralıq köşi-qon komitetiniñ bergen mälimetine negizdelgende, Yemenge qarastı teñiz aydınında adam wrlağan qaraqşılar kemesinen suğa tastalğan 120 afrikalıq bosqınnıñ 51-i teñizde twnşığıp öldi dep habarlaydı «Anatolı» agenttiginiñ resmi saytı.

Adam saudasımen jäne atkezşilikpen aynalısatın qılmıstıq toptar jağınan teñizge tastalğan bwl bosqındar Afrikanıñ Somali jäne Efiopiya elderinen kelgen. Olar Yemen su aydınına kelgende policiya qayıqtarın bayqap, 120 afrikalıq bosqındı suğa tastağan. Qwtqaru qayığı jetkenşe olardıñ 51-i teñizde twnşığıp ölgen.

BWW-nıñ Halıqaralıq köşi-qon qoğamınıñ bergen mälimetine qarğanda biılğı jıldıñ özinde 55 mıñ bosqın Yemenge jetu üşin Somaliden teñizge şıqqan. Bwlardıñ keybireui terrorlıq toptarğa qoldı bolsa, keybireui adam saudalauşı toptardıñ qwrbanına aynaladı. Al, az bölegi Parsı şığanağı, Qızıl teñiz arqılı Europağa ötedi.

“The Qazaq Times”