يەمەنگە قاراستى سۋ ايدىنىندا تەڭىزگە تاستالعان بوسقىندار. فوتو: اناتولى اقپاراتتىق اگەنتتىگى.

بۇۇ حالىقارالىق كوشى-قون كوميتەتىنىڭ بەرگەن مالىمەتىنە نەگىزدەلگەندە، يەمەنگە قاراستى تەڭىز ايدىنىندا ادام ۇرلاعان قاراقشىلار كەمەسىنەن سۋعا تاستالعان 120 افريكالىق بوسقىننىڭ 51-ءى تەڭىزدە تۇنشىعىپ ءولدى دەپ حابارلايدى «اناتولى» اگەنتتىگىنىڭ رەسمي سايتى.

ادام ساۋداسىمەن جانە اتكەزشىلىكپەن اينالىساتىن قىلمىستىق توپتار جاعىنان تەڭىزگە تاستالعان بۇل بوسقىندار افريكانىڭ سومالي جانە ەفيوپيا ەلدەرىنەن كەلگەن. ولار يەمەن سۋ ايدىنىنا كەلگەندە پوليتسيا قايىقتارىن بايقاپ، 120 افريكالىق بوسقىندى سۋعا تاستاعان. قۇتقارۋ قايىعى جەتكەنشە ولاردىڭ 51-ءى تەڭىزدە تۇنشىعىپ ولگەن.

بۇۇ-نىڭ حالىقارالىق كوشى-قون قوعامىنىڭ بەرگەن مالىمەتىنە قارعاندا بيىلعى جىلدىڭ وزىندە 55 مىڭ بوسقىن يەمەنگە جەتۋ ءۇشىن سوماليدەن تەڭىزگە شىققان. بۇلاردىڭ كەيبىرەۋى تەررورلىق توپتارعا قولدى بولسا، كەيبىرەۋى ادام ساۋدالاۋشى توپتاردىڭ قۇربانىنا اينالادى. ال، از بولەگى پارسى شىعاناعى، قىزىل تەڭىز ارقىلى ەۋروپاعا وتەدى.

“The Qazaq Times”