Foto: YouTube

Islam Kärimovtıñ qızı Gülnara Kärimova Özbekstan Wlttıq qauipsizdik qızmetiniñ tergeu izolyatorına qamaldı, dep habarlaydı Asia-Plus aqparat agenttigi.

Osığan baylanıstı «Ferğana» aqparat agenttiginiñ bas redaktorı Daniil Kislov öziniñ Facebook paraqşasına: «Kärimova hanım Özbekstan wlttıq qauipsizdik qızmetiniñ tergeu izolyatorınıñ 3 qabatında ornalasqan VIP twlğalarğa arnalğan bölimde jatır» -dep jazğan.

TASS agenttiginiñ jurnalisteriniñ «Gülnara Kärimova qayda?» degen swrağana Özbekstan bas prokuraturası: «Iä Kärimova hanımdı qamauğa aluğa baylanıstı sot şeşim şığarğan. Biraq qamauğa aluğa üy qamağı jatpaydı» - dep qana jauap bergen.

Bwğan deyin Gülnara Kärimovanıñ wlı Islam Kärimov VVS arnasınıñ özbek qızmetine bergen swhbatında tamızdıñ 1 küni anasınıñ türmege qamalğanı jayındağı qwjattı alğanın, biraq onıñ ras-ötirigin bilu mümkin emestigin aytqan bolatın.

Esteriñizge salayıq, şildeniñ 26 küni Özbekstan bas prokuraturası Özbekstannıñ bwrınğı basşısı Islam Kärimovtıñ ülken qızı Gülnara Kärimovanıñ üstinen qılmıstıq is qozğalğanı jayında aqparat taratqan bolatın.

“The Qazaq Times”