يسلام كارىموۆتىڭ قىزى گۇلنارا كارىموۆا وزبەكستان ۇلتتىق قاۋىپسىزدىك قىزمەتىنىڭ تەرگەۋ يزولياتورىنا قامالدى، دەپ حابارلايدى Asia-Plus اقپارات اگەنتتىگى.
وسىعان بايلانىستى «فەرعانا» اقپارات اگەنتتىگىنىڭ باس رەداكتورى دانيل كيسلوۆ ءوزىنىڭ Facebook پاراقشاسىنا: «كارىموۆا حانىم وزبەكستان ۇلتتىق قاۋىپسىزدىك قىزمەتىنىڭ تەرگەۋ يزولياتورىنىڭ 3 قاباتىندا ورنالاسقان VIP تۇلعالارعا ارنالعان بولىمدە جاتىر» -دەپ جازعان.
تاسس اگەنتتىگىنىڭ جۋرناليستەرىنىڭ «گۇلنارا كارىموۆا قايدا؟» دەگەن سۇراعانا وزبەكستان باس پروكۋراتۋراسى: «ءيا كارىموۆا حانىمدى قاماۋعا الۋعا بايلانىستى سوت شەشىم شىعارعان. بىراق قاماۋعا الۋعا ءۇي قاماعى جاتپايدى» - دەپ قانا جاۋاپ بەرگەن.
بۇعان دەيىن گۇلنارا كارىموۆانىڭ ۇلى يسلام كارىموۆ ۆۆس ارناسىنىڭ وزبەك قىزمەتىنە بەرگەن سۇحباتىندا تامىزدىڭ 1 كۇنى اناسىنىڭ تۇرمەگە قامالعانى جايىنداعى قۇجاتتى العانىن، بىراق ونىڭ راس-وتىرىگىن ءبىلۋ مۇمكىن ەمەستىگىن ايتقان بولاتىن.
ەستەرىڭىزگە سالايىق، شىلدەنىڭ 26 كۇنى وزبەكستان باس پروكۋراتۋراسى وزبەكستاننىڭ بۇرىنعى باسشىسى يسلام كارىموۆتىڭ ۇلكەن قىزى گۇلنارا كارىموۆانىڭ ۇستىنەن قىلمىستىق ءىس قوزعالعانى جايىندا اقپارات تاراتقان بولاتىن.
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟