BBC aqparattıq agenttigi Süriyada "Islam memleketi" lañkestik wyımınıñ qatarında bolıp, keyinnen jihadşılardıñ qolınan qaşıp qwtılğan äyelder turalı reportaj dayındadı. Alğaş ret kamera aldında halifat qatarına nege qosılğandarın bükpesiz bayandağan äyelder äli de terroristerdiñ janında ömir sürip jatqandarğa, "bwl äreket senderdi uäde etilgen jwmaqqa aparmaydı" degen ündeu joldadı.

Bwl äyelder älemniñ ärtürli bwrışınan kelgenimen, Halifatqa qosılu turalı bir maqsat olardı biriktirgen. Kürdi äskeriniñ kömegimen qazir soğıs alañınan tıs aymaqta balalarımen ömir sürip jatqan äyelderdiñ ömirlik serikterin sol "arman bolğan" halifattıñ müşeleri öltirgen. Tınış twrmısın, beyqam ömirin tastap, nege Süriyağa jol tartqanın köp jesirdiñ biri bılay tüsindiredi: "Biz twratın Tuniste äyelder aşıq kiinetin, bastarın oramalmen bürkemeytin. Al biz nağız Islam şarttarın qatañ saqtaytın qoğamda ömir sürgimiz keldi.  "Islam memleketi" wyımı turalı derekter qaradıq.   Bir beynejazbadan wrlıq jasağanı üşin qolı kesilgen azamattı kördik. Nağız ädildik, din qağidattarına berik memleket eken degen jalğan oy qalıptastı. Ol kezde "Islam memleketi" sodırlarınıñ halıqqa körsetken ozbırlığı ne adamdardı öltirgeni turalı beynejazbalar az bolatın".

Swhbat beruşilerdiñ mälimdeuinşe, olardıñ är küni balaları men küyeuleriniñ ömirine alañdaumen ötken. "Qorqınışqa tolı kez kelgen tüni olar üyge basa köktep kirip, küyeulerimizdi öltirip ketetin. "Islam memleketi" turalı narazı pikir aytqan äyel türmege jabılatın", -deydi auır azap arqalağan  näzik jandılar.

Bwl beynejazbadağı negizgi aqparattı qazaq tiline audaru arqılı oqırmandarımızğa terrorizmniñ qauiptiligin, jalğan aqparat jeteginde "din üşin küreskerlerdiñ" qatarın tolıqtıramın degen oydıñ saldarı auır ekendigin tağı da bir eskertkimiz keledi.

“The Qazaq Times”