AQŞ Süriyağa qaytalay äsker kirgizui mümkin. Jergilikti aqparat qwraldarı AQŞ-tıñ Rakka qalasına jaqın eki äskeri bazasın qalpına keltire bastağanın habarlaudı.

Rakka qalasına jaqın AQŞ-tıñ eki äskeri jäne äue bazalarındağı belsendiliktiñ bastalğanına bir ayday bolğan. Türik aqparat qwraldarı bwnıñ eki sebebi boluı mümkin dep körsetude, birinşiden Reseydiñ soñğı kezderdegi arta tüsken äskeri belsendiligen alañdauı jäne öñirdegi ıqpalın arttıru maqsatı.

Atalğan amerikalıq äskeri nısandardıñ biri 17-şi polk ornalasqan Rakkanıñ qala ortalığına 7 şaqırıp qaşıqtıqtağı äskeri baza men qaladan 50 şaqırım qaşıqtıqtağı äue bazası.

«Anadolı» agenttiginiñ habarına qarağanda, onda sauıttı äskeri kölikter men qatar ondağan äskeriler belsendi äreket ete bastağan. Soñğı tört ayda bwl bazalarğa jüzdegen jük köligi äskeri jäne logistikalıq tasımal jasağan.

The Qazaq Times