Foto: Sergei Fadeichev/TASS

Reseyde ğalamtor cenzurasına qarsı şeru ötti. Şeru qatısuşıları "Roskomnadzor" basşısı Aleksandr Jarovtı qızmetinen bosatudı, ğalamtor cenzurasın joyudı jäne äleumettik jelilerdegi reposttar men wnatu batırmaları üşin qozğalğan qılmıstıq isterdi jabudı talap etip, Mäskeu köşelerimen jürip ötti. 

Policiyanıñ derekterine säykes, şeruge 800-ge juıq adam qatısqan. Degenmen äleumettik jelilerdegi belsendilerdiñ aqparatına säykes, olardıñ qatarı 1 mıñ 500-den artıq bolğan.

Foto: Sergei Fadeichev/TASS

Reseydiñ BAQ ökilderi şeru bastalmas bwrın, qolına "Putin lies" (Putin ötirik aytadı) degen jazuı bar paraqşa wstağan Grigoriy Saksonov esimdi azamat qwqıq qorğau organdarınıñ qolına tüskenin habarladı. Köp wzamay ol qamaudan bosatıldı.

Şeru qatısuşılarınıñ aytuınşa, policiya qızmetkerleri ağılşın tilinde jazılğan kez kelgen paraqşalardı, olardıñ mağınası zañğa qayşı kelmese de, tartıp alıp jatır dep şağımdandı.

21 şilde küni Memlekettik Duma "Aqparat turalı" zañ jobasın qabıldağan bolatın. Onıñ mazmwnına barlıq internet sarapşılar men käsipkerler qarsılıq tanıtqanına qaramastan, ğalamtor qızmetine birqatar şekteuler engizilgen.

“The Qazaq Times”