رەسەيدە عالامتور تسەنزۋراسىنا قارسى شەرۋ ءوتتى. شەرۋ قاتىسۋشىلارى "روسكومنادزور" باسشىسى الەكساندر جاروۆتى قىزمەتىنەن بوساتۋدى، عالامتور تسەنزۋراسىن جويۋدى جانە الەۋمەتتىك جەلىلەردەگى رەپوستتار مەن ۇناتۋ باتىرمالارى ءۇشىن قوزعالعان قىلمىستىق ىستەردى جابۋدى تالاپ ەتىپ، ماسكەۋ كوشەلەرىمەن جۇرىپ ءوتتى.
پوليتسيانىڭ دەرەكتەرىنە سايكەس، شەرۋگە 800-گە جۋىق ادام قاتىسقان. دەگەنمەن الەۋمەتتىك جەلىلەردەگى بەلسەندىلەردىڭ اقپاراتىنا سايكەس، ولاردىڭ قاتارى 1 مىڭ 500-دەن ارتىق بولعان.
فوتو: Sergei Fadeichev/TASS
رەسەيدىڭ باق وكىلدەرى شەرۋ باستالماس بۇرىن، قولىنا "پۋتين lies" (پۋتين وتىرىك ايتادى) دەگەن جازۋى بار پاراقشا ۇستاعان گريگوري ساكسونوۆ ەسىمدى ازامات قۇقىق قورعاۋ ورگاندارىنىڭ قولىنا تۇسكەنىن حابارلادى. كوپ ۇزاماي ول قاماۋدان بوساتىلدى.
شەرۋ قاتىسۋشىلارىنىڭ ايتۋىنشا، پوليتسيا قىزمەتكەرلەرى اعىلشىن تىلىندە جازىلعان كەز كەلگەن پاراقشالاردى، ولاردىڭ ماعىناسى زاڭعا قايشى كەلمەسە دە، تارتىپ الىپ جاتىر دەپ شاعىمداندى.
21 شىلدە كۇنى مەملەكەتتىك دۋما "اقپارات تۋرالى" زاڭ جوباسىن قابىلداعان بولاتىن. ونىڭ مازمۇنىنا بارلىق ينتەرنەت ساراپشىلار مەن كاسىپكەرلەر قارسىلىق تانىتقانىنا قاراماستان، عالامتور قىزمەتىنە بىرقاتار شەكتەۋلەر ەنگىزىلگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى