Foto: Evroportal

Amerikalıq Boston Globe basılımı US News and World Report reytingin jariyaladı. Mwnda immigranttar üşin eñ üzdik memleketterdiñ tizimi jazılğan.

Sonımen basılımnıñ mälimetinşe, Qazaqstan immigranttar üşin üzdik memleketter qatarında 46 orındı ielengen. Sonday-aq, reytingte tek üzdik memleketter ğana emes, naşar memleketterdiñ de tizimi jariyalanğan. Basılım Amerika turalı "AQŞ immigranttar üşin üzdik elder qatarında bar bolğanı 7 orındı ielendi"dep jazğan.

US News and World Report reytinginde 80 eldiñ ekonomikalıq twraqtılığı, tabısınıñ tepe-teñdigi, eñbek narığı jäne biznes-köşbasşılar men elita müşeleriniñ bergen esepteri negizge alınğan. Zertteu jwmısınıñ avtorları Düniejüzilik bank pen BWW-nıñ migraciya salasındağı aqparattarın qoldanğan.

Zertteu boyınşa immigranttar üşin eñ üzdik el Şveciya boldı. Alğaşqı ondıqqka  Kanada, Şveycariya, Avstraliya, Germaniya, Norvegiya, AQŞ, Niderlandı, Finlyandiya jäne Daniya kirgen. Postsovettik elder arasında Resey (24 orın), Ukraina (31 orın), Belarus' (38 orın), Qazaqstan (46 orın), Latviya (56 orın) jäne Äzerbayjan (61 orın) bar.

Qazaqstan reyting boyınşa Vengriya, Horvatiya jäne Çehiya sındı europalıq elderdiñ aldına şıqqan.

Qazaqstannıñ mwnday reytingte bolğanı dwrıs şığar. Alayda immigranttardıñ elimizde köp boluı qazaqstandıqtar arasında jwmıssızdıqtıñ köbeyuine alıp keleri sözsiz. Eñbek narığında teñsizdiktiñ qalıptasuına äser etedi.

“The Qazaq Times”