فوتو: ەۆروپورتال

امەريكالىق Boston Globe باسىلىمى US News and World Report رەيتينگىن جاريالادى. مۇندا يمميگرانتتار ءۇشىن ەڭ ۇزدىك مەملەكەتتەردىڭ ءتىزىمى جازىلعان.

سونىمەن باسىلىمنىڭ مالىمەتىنشە، قازاقستان يمميگرانتتار ءۇشىن ۇزدىك مەملەكەتتەر قاتارىندا 46 ورىندى يەلەنگەن. سونداي-اق، رەيتينگتە تەك ۇزدىك مەملەكەتتەر عانا ەمەس، ناشار مەملەكەتتەردىڭ دە ءتىزىمى جاريالانعان. باسىلىم امەريكا تۋرالى "اقش يمميگرانتتار ءۇشىن ۇزدىك ەلدەر قاتارىندا بار بولعانى 7 ورىندى يەلەندى"دەپ جازعان.

US News and World Report رەيتينگىندە 80 ەلدىڭ ەكونوميكالىق تۇراقتىلىعى، تابىسىنىڭ تەپە-تەڭدىگى، ەڭبەك نارىعى جانە بيزنەس-كوشباسشىلار مەن ەليتا مۇشەلەرىنىڭ بەرگەن ەسەپتەرى نەگىزگە الىنعان. زەرتتەۋ جۇمىسىنىڭ اۆتورلارى دۇنيەجۇزىلىك بانك پەن بۇۇ-نىڭ ميگراتسيا سالاسىنداعى اقپاراتتارىن قولدانعان.

زەرتتەۋ بويىنشا يمميگرانتتار ءۇشىن ەڭ ۇزدىك ەل شۆەتسيا بولدى. العاشقى وندىققكا  كانادا، شۆەيتساريا، اۆستراليا، گەرمانيا، نورۆەگيا، اقش، نيدەرلاندى، فينليانديا جانە دانيا كىرگەن. پوستسوۆەتتىك ەلدەر اراسىندا رەسەي (24 ورىن), ۋكراينا (31 ورىن), بەلارۋس (38 ورىن), قازاقستان (46 ورىن), لاتۆيا (56 ورىن) جانە ازەربايجان (61 ورىن) بار.

قازاقستان رەيتينگ بويىنشا ۆەنگريا، حورۆاتيا جانە چەحيا سىندى ەۋروپالىق ەلدەردىڭ الدىنا شىققان.

قازاقستاننىڭ مۇنداي رەيتينگتە بولعانى دۇرىس شىعار. الايدا يمميگرانتتاردىڭ ەلىمىزدە كوپ بولۋى قازاقستاندىقتار اراسىندا جۇمىسسىزدىقتىڭ كوبەيۋىنە الىپ كەلەرى ءسوزسىز. ەڭبەك نارىعىندا تەڭسىزدىكتىڭ قالىپتاسۋىنا اسەر ەتەدى.

“The Qazaq Times”