Foto: tengrinews.kz

Almatınıñ Alatau audanındağı industrialdı aymaqta Tokyo Rope Manufacturing transwlttıq korporaciyası jelisi sanalatın  injenerlik qauipsizdik jüyelerin öndiretin joğarı tehnologiyalıq zauıttıñ qwrılısı bastaldı.

Ötken jıldıñ qaraşa ayında QR Prezidentiniñ qatısuımen japondıq käsiporınmen birlesken joğarı sapalı metall önimderin şığaruğa mamandanğan Tokyo Rope Almaty zauıtınıñ negizi qalanğan bolatın.

Öz sözinde qala äkimi Bauırjan Baybek: "Almatı  innovaciyalıq twrğıda qarqındı damıp kele jatqan qala retinde qolaylı investiciyalıq klimatqa ie. Mäselen, ötken jılmen salıstırğanda, sırttan keletin investiciyalar kölemi 25 payızğa arttı", -dep mälimdedi.

Tokyo Rope Manufacturing transwlttıq korporaciyasınıñ basşısı Şigeto Tanaki: "Bwl Japoniyadan tıs ornalasqan iri äri äleueti zor zauıt boladı. 4 ga aumaqqa ornalasatın zauıt qwrılısına qazirdiñ özinde 3,6 mlrd teñge köleminde investiciya tartıldı. Tau-ken jwmıstarına arnalğan bolat jäne metalldan dayındalatın ärtürli önimder dayındaytın zauıttıñ jıldıq quatı 17 mıñ tonna boladı dep josparlanıp otır. Şikizattıñ basım böligin Qazaqstannan alatındıqtan, bwl önim bağasın birqalıptı wstauğa kömektesedi", -dep pikir bildirdi.

Ayta ketu kerek, 130 jıl bwrın irgesi qalanğan Tokyo Rope kompaniyası öz salasında älemdik jetekşi käsiporın sanaladı. Jer şarındağı eñ iri 20 köpirdiñ 12-siniñ qwrılısına japondıq kompaniyanıñ önimi qoldanılğan.

“The Qazaq Times”