Älemdegi adamzat qauipsizdigine qaterli aymaq. Foto: BBC.

AQŞ-tağı EcoHealth Alliance ğılımi zertteu ortalığı «Älemniñ qauipti kartasın» tüzip şıqtı. Onda Oñtüstik Amerika qwrlığında bolaşaqta adamzattıñ qauipsizdigine qater töndiretin köptegen virustardıñ bar ekeni turalı körsetilgen. Bwl turalı BBC habarlap otır.

Jarğanattan adamğa virus tarauı eñ qauipti aymaq (Qızıl tüsti). Foto: BBC.

EcoHealth Alliance ğılımi zertteu ortalığı virus alıp jüretin sütqorektilerdi, olardıñ adammen bolğan qatınasın jäne virustarğa ğılımi zertteuler alıp barğan. Nätijesinde adamdarğa eñ qaterli virustardı sütqorektiler arasınan alıp jarğanattar köbirek tasımaldaydı dep körsetti. Ğalımdar özderi jağınan toptastırılğan mälimetterdiñ SPID virusı, ebola jäne jaña twmau epidemiyası boldırmau üşin paydalanıluğa boladı dep qaraydı. Oğan qosa zertteuşiler zamanımızda payda bolıp otırğan eñ qaterli jwqpalı auırulardıñ virustarı adamdarğa sütqorektilerden sonıñ işinde et qorektiler, qan sorğış jarğanattardan jäne şimpanzeden jwqqanın alğa tartuda.

Qauipti virustardı alıp jüruşi alıp jarğanat. Foto: BBC.

EcoHealth Alliance ortalığınıñ bastı maqsatı aldağı uaqıttardağı jaña epidemiya älemniñ qay öñirlerinen taralu mümkindigin tauıp şığu. Bwl jauaptı tabu üşin olar äzirge deyin belgili bolğan 586 virustı qatarğa tizdi. Bwl qaterli virustardı süt qorektilerdiñ 754 türi özimen alıp jüretinin anıqtadı. Januarlardan adamğa jwğatın virustar 188 türli. Olar osı virustardıñ taralu jolın tosu jäne aldın alu ädisterin tabuğa tırıstı.

Maymıldan adamğa virustardıñ tarauı eñ qauipti aymaqtar (qızıl tüsti). Foto: BBC.

Olardıñ «Nature» basılımına jariyalağan ğılımi maqalasında, januarlardan adamğa jwğuı eñ tez bolğan 17 türli virustıñ atın atağan. Olardıñ işinde 10 türli virustı jarğanat tektiniñ barlıq türi alıp jüredi eken. Osıdan keyin osı januarlardıñ qay aymaqtarda adamdarmen köbirek wşırasatını turalı zertteu jasadı. Negizinen kemiruşilerden taraytın virustar älemniñ är qaysı jerinde bar. Alayda Latın Amerika qwrlığı bwl jağında köş bastağan. Al, virustardıñ maymıl sekildi özge sütqorektilerden adamdarğa jwğımdaluı ıqtimaldığı joğarı aymaqtar retinde, Oñtüstik Şığıs Aziya, Oñtüstik Aziya, Ortalıq jäne Oñtüstik Afrika men Latın Amerikası bar. Bwl atalğan aymaqtar bolaşaqta adamzatqa zor qauip tudıratın jaña indetterdiñ oşağı boluı mümkin ekeni körsetilgen.

“The Qazaq Times”