Oşağı Qıtaydıñ Uhan' provinciyasınan bastalğan koronavirus pandemiyasına şaldıqqandar sanı äli künge deyin artıp otır. Älem boyınşa 5,9 million adam dertke şaldığıp, 347 907 nauqas ajal qwşqan. Pandemiya qaupi seyile bastağan Europa elderi turist qabıldauğa dayındıq bastasa, Latın Amerikası koronavirustıñ jaña oşağına aynaldı. Al Çernogoriya Europada COVID-19 virusınan emdelip jatqan nauqası joq alğaşqı memleket atandı. 

Antireytingke zer salsaq, Braziliyada koronavirus jwqtırğandar sanı yuoyınşa Reseyden ozıp, älemde ekinşi orınğa şıqtı. Düniejüzilik densaulıq saqtau wyımınıñ (DDSW) Tötenşe jağdaylar boyınşa basşısı Mayk Rayan Oñtüstik Amerikanı «indettiñ jaña oşağı», al Braziliyanı «eñ köp zardap şekken el» dep atadı. Rayan COVID-19 dertin jwqtırğandar men odan köz jwmğandar sanı elde eñ köp Amazoniya aymağına nazar audardı.

Koronavirus älem elderi üşin ekonomikalıq regress tuındattı. Mäselen, önerkäsip eksportına täceldi Germaniya iri qarjı dağdarısına wşıradı. Nemis ükimeti Ekinşi düniejüzi soğısınan bergi eñ kürdeli ekonomikalıq qwldıraudı kütip otır. Biıl işki jalpı önim 6,3%-ğa deyin qısqaradı degen boljam bar. Soñğı derekter boyınşa, elde 11 mıñ adamnan virus anıqtalğan

Franciya men Wlıbritaniyada şeketu şaraları birtindep jeñildetile bastadı. Wlıbritaniya prem'er-ministri: «Elde koronavirustı anıqtaytın 3 mln 500 mıñnan astam test ötkizildi. Nätijesinde 261 mıñ 184 adamğa COVID-19 diagnozı qoyıldı.  Äzirge aşıq aspan astında sauda orındarı men avtosalondar  aşıladı. Al mausım ayınıñ ortasında köptegen düken jwmısın jandandıradı. Alayda mwnıñ bäri aymaqtağı jağdayğa baylanıstı bolmaq», – dedi. Qazirgi uaqıtta Birikken Korol'dikte koronavirus jwqtırğandar sanı 261 mıñnan asıp, qaza bolğandardıñ qatarı 37 mıñğa juıqtadı.

Alğaşqı kezde koronavirustıñ Europadağı oşağına aynalğan Italiya Euroodaq elderinen keletin turisterdi resmi türde 3 mausımnan qabıldauğa äzir. Mwnda mwrajaylar jwmısın bastauda. Beysenbide – Kolizey, odan keyin Florenciyadağı Uffici galereyası aşılmaq. 1 mausımnan bastap biletterin brondağan twrğındar Vatikan mwrajayların tamaşalay aladı.

Virus şarıqtau şeginen ötken Ispaniya 8 mausımnan keyin futboldan wlttıq çempionattı bastamaq. Bwğan deyin Ispaniya ükimeti jaña koronavirustıñ taraluına jol bermeu üşin elge 15 mamırdan bastap keletin adamdardıñ barlığına eki aptağa karantinde boladı dep habarlağan. Ispaniya prem'er-ministri Pedro Sançes: «Ispaniya jıl sayın 80 millionnan astam qonaqtı qabıldaydı. Şildeden bastap şeteldik turister elge qauipsiz jağdayda kele alatının jariyalaymın. Osı kezden bastap, şeteldik turister elimizde demalısın josparlay aladı», – dedi.

Karantin kezinde tört qabırğağa qamalğan Japoniya men Oñtüstik Koreya halqı da qalıptı ömirge auısa bastadı. Japoniyada büginnen bastap tötenşe rejim jağdayı küşin joysa, Koreyada balabaqşalar men bastauış mektepter qayta aşıldı. Qos memleket te koronavirustıñ ekişi tolqını bolatının ayttı.

Türkiya virusqa qarsı küreste aytarlıqtay nätijege qol jetkizip otır. Bastapqıda 100 mıñnan astam keys tirkelse, qazir 33 mıñday nauqas em qabıldap jatır. Apta sayın elde tört kündik komendattıq sağat enzilip, karantin şaraları küşin joyğan joq. Degenmen mausımnıñ ortasında Türkiyada halıqaralıq äue qatınastarı qalpına keltirilui mümkin.

Qauipti dertke şaldıqqandar sanı 140 mıñnan asqan Ündistanda işki äue reysteri jandandı. Bortqa arnayı qwrılğı arqılı tirkelgen jolauşılar ğana kirgiziledi. Wşaqta tamaqtanuğa tıyım salınğan. Osınday saqtıq şaralarına qaramastan eldegi key ştattar epidemiologiyalıq ahualdı alğa tartıp, jolauşılar mindetti türde karantinge jabılatının mälimdedi.

Virus eñ köp anıqtalğan elderdiñ tizimi:

auırğandar / jaña jağdaylar

AQŞ: 1706226 / +19790

Braziliya: 376669 / +13051

Resey: 353427 / +8946

Ispaniya: 282480 / +0

Wlıbritaniya: 261184 / +1625

Italiya: 230158 / +300

Franciya: 182942 / +358

Germaniya: 180789 / +461

Türkiya: 157814 / +987

Ündistan: 144950 / +6414

 TMD elderi boyınşa epidahual mınaday:

Belarus': 37144 / +946

Ukraina: 21245 / +259

Qazaqstan: 8969 / +428

Moldova: 7147 / +54

Armeniya: 7113 / +452

Äzerbayjan: 4271 / +149

Özbekstan: 3189 / +25

Täjikstan: 3100 / +171

Qırğızstan: 1433 / +30

Gruziya: 731 / +1

 

"The Qazaq Times"