Foto: asianworldnews.co.uk

Wlıbritaniyanıñ «Mançester" arenasındağı  jarılıstı jasağan jankeştiniñ kim ekeni anıqtaldı. Qalalıq  policiyanıñ basşısı Ian Hopkinstiñ mälimdeuinşe, jarılğış zattı iske qosqan Salman Abedi esimdi jergilikti twrğın boluı mümkin.

Hopkins: «Biz 22 jasar Salman Abedi esimdi azamattı bastı küdikti dep otırmız. Biraq äzirge tergeuşiniñ naqtı şeşimi şıqpayınşa, biz eşqanday naqtı aqparat bere almaymız» - degen bolatın.

Osığan deyin bwl turalı CBS News arnası men Assoşieyted press agenttigi eşqanday silteme jasamay habarlağan edi.

Mançesterdegi BBC tilşisiniñ keltirgen aqparatına säykes, Abedidiñ ata-anası Liviyadan köşip kelgen, al özi Wlıbritaniyada düniege kelgen eken.

“The Qazaq Times”