فوتو: asianworldnews.co.uk

ۇلىبريتانيانىڭ «مانچەستەر" ارەناسىنداعى  جارىلىستى جاساعان جانكەشتىنىڭ كىم ەكەنى انىقتالدى. قالالىق  پوليتسيانىڭ باسشىسى يان حوپكينستىڭ مالىمدەۋىنشە، جارىلعىش زاتتى ىسكە قوسقان سالمان ابەدي ەسىمدى جەرگىلىكتى تۇرعىن بولۋى مۇمكىن.

حوپكينس: «ءبىز 22 جاسار سالمان ابەدي ەسىمدى ازاماتتى باستى كۇدىكتى دەپ وتىرمىز. بىراق ازىرگە تەرگەۋشىنىڭ ناقتى شەشىمى شىقپايىنشا، ءبىز ەشقانداي ناقتى اقپارات بەرە المايمىز» - دەگەن بولاتىن.

وسىعان دەيىن بۇل تۋرالى CBS News ارناسى مەن اسسوشيەيتەد پرەسس اگەنتتىگى ەشقانداي سىلتەمە جاساماي حابارلاعان ەدى.

مانچەستەردەگى BBC ءتىلشىسىنىڭ كەلتىرگەن اقپاراتىنا سايكەس، ابەديدىڭ اتا-اناسى ليۆيادان كوشىپ كەلگەن، ال ءوزى ۇلىبريتانيادا دۇنيەگە كەلگەن ەكەن.

“The Qazaq Times”