Фото: asianworldnews.co.uk

Ұлыбританияның «Манчестер" аренасындағы  жарылысты жасаған жанкештінің кім екені анықталды. Қалалық  полицияның басшысы Иан Хопкинстің мәлімдеуінше, жарылғыш затты іске қосқан Салман Абеди есімді жергілікті тұрғын болуы мүмкін.

Хопкинс: «Біз 22 жасар Салман Абеди есімді азаматты басты күдікті деп отырмыз. Бірақ әзірге тергеушінің нақты шешімі шықпайынша, біз ешқандай нақты ақпарат бере алмаймыз» - деген болатын.

Осыған дейін бұл туралы CBS News арнасы мен Ассошиэйтед пресс агенттігі ешқандай сілтеме жасамай хабарлаған еді.

Манчестердегі BBC тілшісінің келтірген ақпаратына сәйкес, Абедидің ата-анасы Ливиядан көшіп келген, ал өзі Ұлыбританияда дүниеге келген екен.

“The Qazaq Times”