Foto: RIA Novosti/Aleksey Mal'gavko

Reseyde twrmısı tömen twrğındar üşin azıq-tülik satıp aluğa kömek beretin bağdarlama jüzege asayın dep jatır. Respublika bwl jobanı osı jılı engizbek bolğan. Endi 2018 jıldan bastap jüzege asırılmaqşı. Reseydiñ öndiris jäne sauda ministri Denis Manturovtıñ sözinşe, bağdarlama 2019 jılğa qaray tolıq küşine enetin boladı. Al Qarjı ministrligi bolsa, bwnı ekonomika men byudjet üşin tiimdi bağdarlama retinde maqwldağan.

Sonımen bağdarlama boyınşa "azıq tülik kartası" nemese "azıq-tülik sertifikatı"  taratılıp, osı arqılı az qamtılğan reseylikter et balıq, kökönisterdi satıp aladı.

Arnayı bekitilgen azıq-tülik qwramında araq-şarap pen temekiden basqasınıñ bäri boladı. YAğni arnayı tizimge kartop, et, jemis-jidek, süt önimderi, tipti köşetter, twqımdar men üy januarlarına arnalğan jem kiredi.

Qoyılatın bastı şart: bağdarlama arqılı tek reseylik öndiruşilerdiñ önimderi satıp alınadı.

Bwl jüye Reseydiñ tölem qwraldarınıñ biri "Mir" banktik kartasımen jüzege asırıladı. Plastikalıq kartağa ay sayın "ekvivalentti qarjı" nemese "ball", yağni qarjı audarıladı. Baldıq jüye dep aytuğa boladı. Biraq jinaq emes. YAğni ay sayın audarılğan ball kartada jinaqtalıp qalmaydı. Ol ay sayın tağayındalğan azıq-tülik tizbesi boyınşa jwmsalıp otıru kerek.

Sonday-aq, azıq-tülik üşin audarılğan qarjını bankomat arqılı qolma qol aqşağa aynaldıruğa bolmaydı. "Bağdarlama boyınşa kartadağı qarajat qajetti zattardı satıp aluğa jetkilikti bolatınday eseptelgen. Eger qarjı jwmsalmasa kelesi ayğa jaramsız boladı", - dep tüsindiredi Manturov.

Jobanı jasap şığarğandar bwl halıqtıñ äleumettik älsiz tobınıñ negizgi mäselelerin şeşuge jäne otandıq öndiruşilerdiñ tauarlarına swranıstıñ artuına kömektesedi deydi.

Äzirge bwl bağdarlama qaydan qalay qarjılanatını belgisiz. Denis Manturovtıñ sözinşe, barlığı byudjetke baylanıstı bolğandıqtan, qazir qarjılandıru közderi qarastırılıp jatır.

 “The Qazaq Times”