Mamırdıñ 1 jwldızı sağ. 11:00 «Alatau» dästürli öner teatrınıñ kinozalında 1 mamır – Qazaqstan halıqtarınıñ birligi merekesine oray Almatı qalası äkimdigi men Alatau audanı bilim basqarmasınıñ wyımdastıruımen Ahat Ibıraevtıñ «Añızdar kitabı: jwmbaq orman» fil'miniñ qayırımdılıq körsetilimi ötedi.

Şäken Aymanov atındağı «Qazaqfil'm» kinostudiyasında tüsirilgen fil'mde ağayındı Baha men Tahanıñ ertegi ormanında bastan keşken oqiğaları körinis tabadı. Belgili käsipkerdiñ wldarınıñ ömiri kütpegen «tosınsıylar» men qitwrqı äreketterge tolı. Käsipker äkeniñ jwmısbastılığı, ögey şeşeniñ qırın qabaqtığı olardıñ amazonkalar mekenine attanuına sebep boladı. Maqsattarı – amazonkalar patşayımınıñ zwlım küşterge qarsı küresine qolğabıs tigizip, elge qorğan bolu. Aqısına qaytıs bolğan anaların tiriltip, äkeleriniñ özderine köñil böluin swramaq. Alayda, ögey şeşe de qol qusırıp qarap otırmaq emes...

«Sıyqırlı syujetter» men tosın oqiğalarğa tolı kinokartinağa qazaq köşpendileriniñ ejelgi añız-ertegileri arqau bolğan. Sonımen qatar, Qazaqstanda alğaş ret fentezi janrında tüsirilgen fil'mde komp'yuterlik grafika men animaciyalar keñinen qoldanılğan.

Qayırımdılıq körsetilim äleumettik jağdayı tömen, mümkindigi şekteuli balalarğa jäne balalar üyiniñ tärbielenuşilerine arnalıp qoyıladı.

Ötetin ornı: Almatı qalası, «Alatau dästürli öner teatrı».

Meken-jayı: Alğabas-1ıqşam audanı, 6 üy. T. Rısqwlov jäne

B. Momışwlı köşeleriniñ qiılısı.

Anıqtama telefondarı: 398-85-16; 8 707 838 36 34

Uaqıtı: 3 mamır, 2017 j. sağ. 11:00

El. poçta: ibraeva.2010@mail.ru

"The Qazaq Times"