مامىردىڭ 1 جۇلدىزى ساع. 11:00 «الاتاۋ» ءداستۇرلى ونەر تەاترىنىڭ كينوزالىندا 1 مامىر – قازاقستان حالىقتارىنىڭ بىرلىگى مەرەكەسىنە وراي الماتى قالاسى اكىمدىگى مەن الاتاۋ اۋدانى ءبىلىم باسقارماسىنىڭ ۇيىمداستىرۋىمەن احات ىبىراەۆتىڭ «اڭىزدار كىتابى: جۇمباق ورمان» ءفيلمىنىڭ قايىرىمدىلىق كورسەتىلىمى وتەدى.

شاكەن ايمانوۆ اتىنداعى «قازاقفيلم» كينوستۋدياسىندا تۇسىرىلگەن فيلمدە اعايىندى باحا مەن تاحانىڭ ەرتەگى ورمانىندا باستان كەشكەن وقيعالارى كورىنىس تابادى. بەلگىلى كاسىپكەردىڭ ۇلدارىنىڭ ءومىرى كۇتپەگەن «توسىنسىيلار» مەن قيتۇرقى ارەكەتتەرگە تولى. كاسىپكەر اكەنىڭ جۇمىسباستىلىعى، وگەي شەشەنىڭ قىرىن قاباقتىعى ولاردىڭ امازونكالار مەكەنىنە اتتانۋىنا سەبەپ بولادى. ماقساتتارى – امازونكالار پاتشايىمىنىڭ زۇلىم كۇشتەرگە قارسى كۇرەسىنە قولعابىس تيگىزىپ، ەلگە قورعان بولۋ. اقىسىنا قايتىس بولعان انالارىن ءتىرىلتىپ، اكەلەرىنىڭ وزدەرىنە كوڭىل ءبولۋىن سۇراماق. الايدا، وگەي شەشە دە قول قۋسىرىپ قاراپ وتىرماق ەمەس...

«سىيقىرلى سيۋجەتتەر» مەن توسىن وقيعالارعا تولى كينوكارتيناعا قازاق كوشپەندىلەرىنىڭ ەجەلگى اڭىز-ەرتەگىلەرى ارقاۋ بولعان. سونىمەن قاتار، قازاقستاندا العاش رەت فەنتەزي جانرىندا تۇسىرىلگەن فيلمدە كومپيۋتەرلىك گرافيكا مەن انيماتسيالار كەڭىنەن قولدانىلعان.

قايىرىمدىلىق كورسەتىلىم الەۋمەتتىك جاعدايى تومەن، مۇمكىندىگى شەكتەۋلى بالالارعا جانە بالالار ءۇيىنىڭ تاربيەلەنۋشىلەرىنە ارنالىپ قويىلادى.

وتەتىن ورنى: الماتى قالاسى، «الاتاۋ ءداستۇرلى ونەر تەاترى».

مەكەن-جايى: العاباس-1ىقشام اۋدانى، 6 ءۇي. ت. رىسقۇلوۆ جانە

ب. مومىشۇلى كوشەلەرىنىڭ قيىلىسى.

انىقتاما تەلەفوندارى: 398-85-16; 8 707 838 36 34

ۋاقىتى: 3 مامىر، 2017 ج. ساع. 11:00

ەل. پوچتا: ibraeva.2010@mail.ru

"The Qazaq Times"