54 payız amerikalıq prezidentterine razı emes

AQŞ-tağı tanımal basılım «The Wall Street Journal» basılımınıñ eñ jaña saualnama qortındısı jariya etildi. Saualnama nätijesine qarağanda Tramptıñ AQŞ prezidenti retindegi 100 kündik qızmetine basım köp amerikalıqtar razı emes ekeni belgili boldı. Onıñ AQŞ ükimetiniñ tiimdiligi men äleumettiligin arttıruğa jasağan reforması qoldauğa ie bola almağan.

Saualnamağa qatısqandardıñ 54 payızı prezident Tramptıñ atqarıp jatqan isterine razı emes. 14 payızdıq tarmaqtan twratın saualnamağa qatısqan amerikalıqtardıñ 40 payızdan astamı ğana onıñ isterine qoldau bildirgen. Degenmen, Respublikaşıldar partiyası işinde Tramp äli de joğarı qoldauğa ie bolıp otır. Al, Qwrama Ştattağı özge taraptarda prezidenti qoldau mölşeri tömendep twr. Partiyalarğa täuelsiz respondentterdiñ arasındağı Trampğa riza emesterdiñ ülesi 54 payızğa ösip, qoldauşılar 30 payız aynalasında qalğan. Dese de, osıdan bwrınğı 24 payızğa qarağanda joğarılau bar.

900 eresek adamğa jasalğan saualnama boyınşa prezidentteriniñ maqtauğa twrarlıq keybir qızmetteri de bar bolıp şıqqan. Osıdan bwrın Süriyadağı himiyalıq qaru isine qarsı Süriya ükimet armiyasınıñ bazasına zımıran şabuılına bwyrıq berui de sonıñ biri eken. Respondentterdiñ 60 payızdan astamı Tramptıñ bwl äskeri äreketine qoldauşılıq tanıtqan. Sonday-aq, saualnamağa qatısqandardıñ jartısınan köbi onıñ Süriya mäselesindegi wstanımın jaqtağan. Ayta keteyik, bwl retki saualnamanı «The Wall Street Journal» basılımı 17-20 säuir aralığında 900 eresek Amerika azamatınan telefon arqılı jinağan.

The Qazaq Times