Foto: fishki.net

Jaqında Wlı Britaniyanıñ YouGov kompaniyası Batıstağı toğız memlekette (AQŞ-tı qamtığan) arnaulı saualnama jürgizgen bolatın. Saualanam natijesinde köptegen batıstıq azamattar älemdi Üşinşi dünie jüzilik soğıs qaupinde twr dep sanağan.

Reseylik «Informing» aqparattıq saytı da saualnama natijesin aşıp körsetti. Saualnama natijesi boyınşa amerikalıqtardıñ basım köbi Üşinşi dünie soğısı tuılmay qoymaydı dep sanaytını belgili bolğan. Respondentterdiñ 64 payızı älemniñ iri qarulı qaqtığıs aldında twrğanın aytadı. Saualnamağa qatısqandardıñ 15 payızı ğana qarama-qarsı pikirdi jaqtağan. Älem soğıs qaupinde twr deytin twlğalar onıñ sebebin  terrorlıq şabuıldar jäne Siriya, Orta Şığıstağı qarulı qaqtığıstar keltirip şığaradı dep körsetken. Wlı Britaniyada bwl körsetkiş 61 payız ben oğan qarsı 19 payızdı körsetedi.

YouGov kompaniyasınıñ sayasat jäne qoğamdıq mäseleler jönindegi jauaptı meñgeruşisiniñ aytuınşa, franciyalıqtar men AQŞ azamattarınıñ dünie soğıs qaupine qaratqan közqarastarı men soğıstıñ tuıluına körsetken sebepteri de  birdey emes. Onıñ aytuınşa armerikalıqtardı Üşinşi älem soğısınan göri endi ğana taqqa otırğan Tramptıñ sayasatı twraqsızdıqqa alıp barama degen mäsele alañdatadı. Al franciyalıqtar lañkestik şabuıldan köbirek qorqadı, 81 payız respondentter Franciyada jaqın arada jaña lañkestik şabuıldar boladı dep sanaydı.

Reseydegi täuelsiz «Levada»  äleumettanu ortalığı ötken jılı 31 qazanda saualnama nätijesin jariyalağan. Reseylikterdiñ jartısınan köbi Resey men Batıs elderi arasındağı qarım-qatınastardıñ naşarlauı Üşinşi älem soğısın tudıradı dep alañdaydı. Al 48 % respondent bwl soğıs qaupin halıqaralıq qayşılıqtardan kelip şığadı dep sanaydı.

Bwl beybitşilik pen twraqtılıqtı auız jappay nasihataytın batıstıqtardıñ älem tınıştığına degen senimderiniñ körsetip twr. Barlığımız bilitindey, eger de dünie soğısı üşinşi ret tuılar bolsa, ol yadrolıq soğısqa wlaspay qoymaydı. YAdrolıq soğııs boladı eken adamzat örkenietiniñ saqtalıp qaluın bwlay qoyıp, jer betinde ömir süruiniñ özi qiınğa soğadı. Auır ekologiyalıq apattar da kelip şığarı dausız. Soağıs arqılı  adamzat «Qwdaydıñ qarğısın» öz qolımen jasamasına kim kepil ?!

 

“The Qazaq Times”