اقش-تاعى تانىمال باسىلىم «The Wall Street Journal» باسىلىمىنىڭ ەڭ جاڭا ساۋالناما قورتىندىسى جاريا ەتىلدى. ساۋالناما ناتيجەسىنە قاراعاندا ترامپتىڭ اقش پرەزيدەنتى رەتىندەگى 100 كۇندىك قىزمەتىنە باسىم كوپ امەريكالىقتار رازى ەمەس ەكەنى بەلگىلى بولدى. ونىڭ اقش ۇكىمەتىنىڭ تيىمدىلىگى مەن الەۋمەتتىلىگىن ارتتىرۋعا جاساعان رەفورماسى قولداۋعا يە بولا الماعان.
ساۋالناماعا قاتىسقانداردىڭ 54 پايىزى پرەزيدەنت ترامپتىڭ اتقارىپ جاتقان ىستەرىنە رازى ەمەس. 14 پايىزدىق تارماقتان تۇراتىن ساۋالناماعا قاتىسقان امەريكالىقتاردىڭ 40 پايىزدان استامى عانا ونىڭ ىستەرىنە قولداۋ بىلدىرگەن. دەگەنمەن، رەسپۋبليكاشىلدار پارتياسى ىشىندە ترامپ ءالى دە جوعارى قولداۋعا يە بولىپ وتىر. ال، قۇراما شتاتتاعى وزگە تاراپتاردا پرەزيدەنتى قولداۋ مولشەرى تومەندەپ تۇر. پارتيالارعا تاۋەلسىز رەسپوندەنتتەردىڭ اراسىنداعى ترامپعا ريزا ەمەستەردىڭ ۇلەسى 54 پايىزعا ءوسىپ، قولداۋشىلار 30 پايىز اينالاسىندا قالعان. دەسە دە، وسىدان بۇرىنعى 24 پايىزعا قاراعاندا جوعارىلاۋ بار.
900 ەرەسەك ادامعا جاسالعان ساۋالناما بويىنشا پرەزيدەنتتەرىنىڭ ماقتاۋعا تۇرارلىق كەيبىر قىزمەتتەرى دە بار بولىپ شىققان. وسىدان بۇرىن سۇرياداعى حيميالىق قارۋ ىسىنە قارسى ءسۇريا ۇكىمەت ارمياسىنىڭ بازاسىنا زىمىران شابۋىلىنا بۇيرىق بەرۋى دە سونىڭ ءبىرى ەكەن. رەسپوندەنتتەردىڭ 60 پايىزدان استامى ترامپتىڭ بۇل اسكەري ارەكەتىنە قولداۋشىلىق تانىتقان. سونداي-اق، ساۋالناماعا قاتىسقانداردىڭ جارتىسىنان كوبى ونىڭ ءسۇريا ماسەلەسىندەگى ۇستانىمىن جاقتاعان. ايتا كەتەيىك، بۇل رەتكى ساۋالنامانى «The Wall Street Journal» باسىلىمى 17-20 ءساۋىر ارالىعىندا 900 ەرەسەك امەريكا ازاماتىنان تەلەفون ارقىلى جيناعان.
The Qazaq Times
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى