Foto: vesti.ru

Irannıñ Wlttıq qauipsizdik joğarı keñesiniñ hatşısı: «Aymaqtağı keybir elder Irak pen Süriyada jeñiliske wşırağan lañkesterdi Auğanstanğa köşiru üşin osı elde beyberekettik tudırıp, qauipsizdik jäne qoğamdıq jüyesiniñ qwrılımın älsiretudi közdeude» dep habarladı "Fars" baspasöziniñ resmi saytı.

Äli Şamhani Auğanstan prezidentiniñ wlttıq qauipsizdik keñesşisi Hanif Atmarmen telefon arqılı swhbatta Talibannıñ Balh ualayatındağı äskeri bazağa jasağan şabuılın ayıptap, lañkestik şabuılda qaza tapqandardıñ otbasılarınıñ qayğısına ortaqtastıq bildirip Iran islam respublikasınıñ zardap şekkenderge kez kelgen kömek körsetuge äzirligin quattadı.

Irannıñ Wlttıq qauipsizdik joğarı keñesiniñ hatşısı Auğanstan ükimeti, sayasi toptarı jäne halqınıñ lañkestik ağımdarğa qatañ şara körsetui qajettigin quattap: «Iran islam respublikası men Auğanstannıñ barlau jäne qauipsizdik birlesken ıntımaqtastıqtarın jıldamdatu eki eldiñ qauipsizdigi men twraqtılığın küşeytedi» dedi.

Taliban tobınıñ Balh ualayatınıñ ortalığı Mazare Şariftiñ mañında Auğanstan armiyasınıñ äskeri bazasına jwma küni jasağan şabuıl saldarınan 150 auğan äskerii qaza tapqan.

"The Qazaq Times"