يراننىڭ ۇلتتىق قاۋىپسىزدىك جوعارى كەڭەسىنىڭ حاتشىسى: «ايماقتاعى كەيبىر ەلدەر يراك پەن ءسۇريادا جەڭىلىسكە ۇشىراعان لاڭكەستەردى اۋعانستانعا كوشىرۋ ءۇشىن وسى ەلدە بەيبەرەكەتتىك تۋدىرىپ، قاۋىپسىزدىك جانە قوعامدىق جۇيەسىنىڭ قۇرىلىمىن السىرەتۋدى كوزدەۋدە» دەپ حابارلادى "فارس" ءباسپاسوزىنىڭ رەسمي سايتى.
ءالي شامحاني اۋعانستان پرەزيدەنتىنىڭ ۇلتتىق قاۋىپسىزدىك كەڭەسشىسى حانيف اتمارمەن تەلەفون ارقىلى سۇحباتتا تاليباننىڭ بالح ۋالاياتىنداعى اسكەري بازاعا جاساعان شابۋىلىن ايىپتاپ، لاڭكەستىك شابۋىلدا قازا تاپقانداردىڭ وتباسىلارىنىڭ قايعىسىنا ورتاقتاستىق ءبىلدىرىپ يران يسلام رەسپۋبليكاسىنىڭ زارداپ شەككەندەرگە كەز كەلگەن كومەك كورسەتۋگە ازىرلىگىن قۋاتتادى.
يراننىڭ ۇلتتىق قاۋىپسىزدىك جوعارى كەڭەسىنىڭ حاتشىسى اۋعانستان ۇكىمەتى، ساياسي توپتارى جانە حالقىنىڭ لاڭكەستىك اعىمدارعا قاتاڭ شارا كورسەتۋى قاجەتتىگىن قۋاتتاپ: «يران يسلام رەسپۋبليكاسى مەن اۋعانستاننىڭ بارلاۋ جانە قاۋىپسىزدىك بىرلەسكەن ىنتىماقتاستىقتارىن جىلدامداتۋ ەكى ەلدىڭ قاۋىپسىزدىگى مەن تۇراقتىلىعىن كۇشەيتەدى» دەدى.
تاليبان توبىنىڭ بالح ۋالاياتىنىڭ ورتالىعى مازارە ءشاريفتىڭ ماڭىندا اۋعانستان ارمياسىنىڭ اسكەري بازاسىنا جۇما كۇنى جاساعان شابۋىل سالدارىنان 150 اۋعان اسكەريى قازا تاپقان.
"The Qazaq Times"
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى