Bügin 3 aqpanda Jetisui oblısı, Taldıqorğandağı qalalıq sotta Qandı qañtar qırğını kezinde wstalğandarğa ütik basıp, tırnaqtarına ine jügirtip tağı da basqa türli azaptaularmen kinäların moyındatpaq bolğan «azaptauşı» bes policeydiñ üstinen qozğalğan sotta jarıssöz bastaldı. Memlekettik ayıptauşı Ajar Nwrlanova sud'ya Bekmwrat Düysenbekovtan küdiktilerdi kinäli dep tanıp, 3 jıldan 5 jılğa deyin bas bostandığınan ayıru jazasın berudi swradı.

Prokuror Aydın Kenjebaevtı kinäli dep tanıp, 5 jılğa bas bostandığınan ayırudı swradı.

– Kenjebaev Aydın Erkinwlın QR QK 146 babınıñ 2 böliginiñ 1,2,3,4 tarmaqtarı boyınşa kinäli dep tanıp, oğan 3 jıl merziminde qwqıq qorğau jüyesi men memlekettik qızmet lauazımdarın atqaru qwqığınan ayıra otırıp, 5 jıl bas bostandığınan ayıru jazası tağayındalsın, – dedi.

Memlekettik ayıptauşı küdiktiler Saparmwrat Toqtaş pen Janbaqıt Nwrtazanı kinäli dep tanıp, 4 jılğa, Almas Boqanov pen Ermek Jwmaşevtı 3 jılğa bas bostandığınan ayırudı swradı. Snımen qatar Nwrlanova sottaluşılardıñ barlığın lauazımdı şenderinen, 3 jıl merziminde memlekettik jäne qwqıq qorğau jüyesinde qızmet atqaru qwqığınan ayırudı, jazanı qauipsizdigi ortaşa mekemede öteu jazasın tağayındaudı swradı.

Eske sala ketsek: "Azaptauşı" 5-ine tağılıp otırğan ayıp qılımıstıq kodekistiñ 146i Azaptaular babındağı bölikterinde "1) adamdar tobı nemese aldın ala söz baylasu arqılı adamdar tobı jasağan; 2) birneşe ret; 3) densaulıqqa auırlığı ortaşa ziyan keltire otırıp; 4) kinäli adamğa jüktilik jağdayda ekeni körineu belgili äyelge nemese kämeletke tolmağan adamğa qatıstı jasalğan däl sol is-äreketke dep körsetilse, tağayındalatın jaza  – belgili bir lauazımdardı atqaru nemese belgili bir qızmetpen aynalısu qwqığınan üş jılğa deyingi merzimge ayıra otırıp, üş jıldan jeti jılğa deyingi merzimge bas bostandığınan ayıruğa jazalanadı." -delingen.

Ayıptaluşılardıñ advokattarı prokurordıñ ötiniş-talabına qarsılıq bildirmedi. Tek jarıs sözge dayın emes ekenderin aytıp söttı keyinge qaltırudı swradı.

Sud'ya Düysenbekov ayıptaluşı jaqtıñ ötinişin qanağattandırıp sottı aldağı 6 aqpanğa qal'tırdı.

Jäbirlenuşi taraptan Elnwr Twrahmetov pen Arman Teñizbaev sud'yadan sottaluşılarğa şarttı jaza beruin swrap, MVD özderine de şarttı jaza bergenin alğa tarttı.

– Bes sottaluşığa şarttı jaza beruiñizdi swraymın. Öytkeni osınday jağday bolğan kezde İİM bizge de keşirim berdi. Sondıqtan bwlarğa da keşirim beruleriñizdi talap etemin. Biz de keşirim berip otırmız. Menen basqa jäbirlenuşilerdiñ barlığı osılay swraydı degen ümittemin. Bwl kisiler bizdiñ qoyğan talaptarımızdıñ barlığın orındap, kömektesti, – degendi ayttı.

36 retki ötip jatqan sot otırsında 23 jäbirlenuşi, 5 ayıptaluşı bar.

The Qazaq Times