Bügin 6 qañtar Taldıqorğan qalasında qandı qañtar kezinde wstalğandarğa ütik basıp azaptadı dep ayıptalğan Aydın Kenjebaev jauap berdi. Sot bastalğanda küdikti Aydın Kenjebaevtıñ advokatı Eseybekov Ruslan prokuraturağa kinäni moyndau turalı prosestik kelsim ötiniş hatın wsındı. Sud'ya Bekmwrat Düysenbekov ötinişti aşıq qaltırdı.

Ataulı istegi ayıptardıñ barlığımen kelisemin degen Aydın Kenjebaev: "Jazılğan ayıptau aktisimen tolıqtay kelisemin. Kinämdi moyındaymın. Jäbirlenuşilerdiñ bärinen keşirim swraymın",-dedi.

Jäbirlenuşi Däuren Aytov Kenjebaevtan  janıñdağı basqa azaptağan policeyler turalı swradı.

Aydın Kenjebaev "Men olardı bilmeymin. Tanmaymın. Barlığı maskada boldı", -dep jauap berdi.

Jäbirenuşi taraptıñ advokatı Tüsipova Äsemniñ "aldın ala söz baylasuı turalı jäne osında azaptau faktisimen otırğan basqa policiya qızmetkerlerin tanisız ba" degen swrağına küdikti Kenjebaevtan "Men ayıptau aktisimen tolıqtay kelisemin. Onda jazılğandardıñ barlığı ras, Nwrtaza Janbaqıttan basqasın tanımaymın" dedi.

Wstalğandardı ne üşin azaptadıñ degen saualğa "Jiırma mıñ terrorist kirdi degen aqparttı estigen soñ ürey boldı. Joğalğan qarulardı ornına qoyu masatında azaptadım. Men onıñ bärin qara basım üşin istegem joq. Azaptau turalı bwyrıq bolmadı. Biraq qarulardı tauıp qalada tınıştıq ornatu turalı bwyrıq boldı"-degen jauap berdi.

Advokat Tüsipovanıñ tağıda "tergeu kezinde moyndamay, qazir moyndap twrğanıñızdıñ qanday sebebi bar" degen swrağına küdikti Aydın Kenjebaev "men ol kezde qorğanu qwqımdı paydalandım" dedi.

Aydınnıñ swraluı wzaqqa sozılmadı. Arı qaray küdikti policeylerdiñ advokattarı sud'yağa özderine qatıstı jäbirlenuşilerdiñ keşirim arızdarın tapsırdı. Sot isti zerdeleuge köşti.

Sud'ya Düysenbekov jurnalisterge dıbıs-beyne jazuğa, ayıptaluşılardı fotoğa tüsiruge şekteu qoyğan.