Qañtar qırğını boyınşa Taldıqorğanda 7 retki ötip jatqan wstalğandardı azaptağan policeyder isi boyınşa sot ötip jatır.

Bwğan deyin tıñdalğan üş jäbirlenuşinıñ aytqanınday bügin jauap bergen Sarqıt Salhanovta özin azaptağandardıñ tek bireuiniñ ğana osında otırğanın. Tanu kezinde anıq körsetip bergen Baqıtjan attı ekinşi qızmetkerdiñ joq ekenin aytıp tergeuge qayta jiberudi swradı.

«Tergeu kezinde Aydın Kenjebaev pen Baqıtjan degen eki kisini tanığan bolatınmın. Bwğan deyin talay sot bolıptı. Olarğa qatısa almadım. Üyqamaqta otırdım. Kele almadım. Rwqsat bermedi. Bwl jerde Aydın bar da, ana kisi joq. Bettestiru ekeuimen bir künde boldı. Bwl jerde bir şikilik bolıp twr ğoy. Meni itşe tepkilegen adam joq. İsti qayta qarau kerek. Men körsetken jigitti osı jerge alıp kelu qajet. «Men tanığan adam tergeuge nege kelmedi» dep swrasam «ol jigitti Batırbaev ekeuiñ ğana tanıdıñdar, basqa dälel joq» dedi. Dälel bolu üşin video bolu kerek deydi. Ol küni bükil DVD-nıñ kamerası öşip jattı. Telefondarımızdı tartıp aldı. Qaydağı video dälel. Biz bir jwtım suğa zar boldıq», - dedi Salqanov.

Alayda sud'ya bwl ötinişti qatağattandırusız qaltırdı.

Sud'ya Bekmwrat Düysenbekov bwğan deyinde isti qayta tergeuge jiberu turalı ötinişti qanağattandırmağan bolatın.

Bwğan deyingi sot otırısında Däuren Aytov pen Arman Teñizbaev ta iste tergeu kezinde tanığan adamdardıñ joq ekenin aytıp, qayta tergeu ötkizudi swrağan. Ol kezde de sud'ya ötinişti qanağattandırmağan.

Taldıqorğan qalalıq sotındağı azaptau isinde 23 adam jäbirlenuşi, 5 policiya qızmetkeri küdikti dep tanılıp qaralıp jatır.

Jeti retki otırısta äzer üş jäbirlenuşi tıñdaldı. Qalğan 20 jäbirlenuşini qanşa uaqıt tıñdaytını belgisiz. Bwl turalı sottı ädeyi sozıp prezident Toqaevtıñ "Raqımşılıq" zañın kütip otır dep küdiktenetinder de bar.