10 aqpan, 2023 jıl. Jetisu oblısı, Taldıqorğan qalası. Qalalıq sottıñ 39 retki otırısında «Azaptauşı» policeylerdıñ soñğı sözi tıñdaldı.

Sottaluşı Aydın Kenjebaev soñğı sözinde: Barlıq jäbirlenuşilerden keşirim swraymın. Bizge ädil şeşim qabıldaydı dep ümittenemiz. Şarttı jaza qoldanadı degen ümittenemiz. Özim otbasında jalğız asırauşı ekenimdi aytqım keledi jäne kämeletke tolmağan balam bar ekenin nazarıñızğa aluıñızdı swraymın. Osı istegen isterdiñ barlığın qara basımdı oylap istegem joqpın. Ärine ökinişti bwlay bolğanı, ükimet jağınan da bizge ädilsizdik basım bolıp twr, ädil şeşim qabıldaysız dep senemin dedi- dedi.

Kelesi sottaluşılar: Almas Boqanov, Nwrtaza Janbaqıt, Sarparmwrat Toqtaş, Ermek Jwmaşevter qañtar oqiğasına baylanıstı jäbirlenuşilerden keşirim swraytının, şınımen ökinetinderin, sottan şarttı türde sottaudı swraytındarın aytıstı.

Qandı qañtar qırğınında wstalğandardı azaptadı dep ayıptalıp qamauda otırğan 5 policeyge qatıstı sot 2022 jıldıñ  9 qırküyeginde bastalğan. İste 23 jäbirlenuşi bar. Denelerine ütik basılıp, tisi jwlınıp türlı azap körgen jäbirlenuşiler äuelde ädil sot ükimin talap etip barlığın sottau turalı talap qoyğan. Alayda soñında barlığı birdey özderin azaptağandarğa keşirim berip, sud'ya Düysenbekovtan sottaluşılardı bas bostandığınan ayırmaytın jaza qoldanudı talap etti.

Sottaluşılar men olardıñ advokattarı jäbirlenuşilerden de keşirim hat jinap ayıptauşı prokurordan Qılmıstıs kodekstiñ 63 babımen Şattı türde sottauğa ötiniş bergen.

Jetisu oblıstıq prokuraturası ayıptaluşılardıñ bwl wsınıstarın qabıldamay isti sottıñ qarauına qaltırğan.

«Azaptauşılardıñ» soñğı sözin tıñdağan sud'ya Bekmwrat Düysenbekov keñesu zalına ketti. Sot ükimi 16:00 de oqıladı dep kütilude.

The Qazaq Times