Almatı oblısı prokuraturasınıñ mälimdeuinşe, 305 memlekettik qızmetker 507 mln teñgesin qwmar oyındarına jwmsağan. Bwl turalı Til kespek joq arnası jazdı.
Bwğan deyin oblıstıq prokuratura Qapşağay su qoyması aumağındağı oyın mekemelerine keşendi tekseru alıp barğanın habarlağan bolatın.
2019 jıldan bastap osı kezge deyingi uaqıttağı kezeñdi tekseru barsında kazinolardıñ salıq töleuden jaltarğanı anıqtalğan.
"Atalğan fakt boyınşa QK-niñ 307-babı 3-böligi 2-tarmağımen sotqa deyingi tergeu amaldarı jürgizilude. Oyın biznesi, eñbek zañnaması, örtke qarsı jäne sanitarlıq-epidemiologiyalıq normalar salasındağı bwzuşılıqtar da anıqtaldı. Prokuraturanıñ talabımen uäkiletti memlekettik organdar tarapınan kinälilerdi äkimşilik jauapkerşilikke tartu jäne bwzuşılıqtardı joyu turalı nwsqamalardı tapsıru üşin tekseruler jalğasuda".- delingen bolatın.
Oyın mekemelerin tekseru jürip jatqan twsta oblıstıq prokuratura küştik qwrlım qızmetkerleriniñ de kazinoğa qomaqtı qarjı şaşqanın anıqtağan.
Äsirese qwmar oyındarına İşki ister ministrligi (97 adam) men Qorğanıs ministrliginiñ (95 adam) qızmetkerleri äues.
Odan bölek, olardıñ kazinoğa jwmsağan aqşası, jıldıq tabısınan äldeqayda köp. Mäselen, jıldıq tabısı 10 mln teñgeden aspaytın Astana äkimdiginiñ bir qızmetkeri kazinoğa 54 ret barıp, 53 mln teñge jwmsağan.
Osı is boyınşa jwrt arasında "Ol mwnday aqşanı qaydan aldı?" degen saual tuındap otır.