الماتى وبلىسى پروكۋراتۋراسىنىڭ مالىمدەۋىنشە، 305 مەملەكەتتىك قىزمەتكەر 507 ملن تەڭگەسىن قۇمار ويىندارىنا جۇمساعان. بۇل تۋرالى ءتىل كەسپەك جوق ارناسى جازدى.
بۇعان دەيىن وبلىستىق پروكۋراتۋرا قاپشاعاي سۋ قويماسى اۋماعىنداعى ويىن مەكەمەلەرىنە كەشەندى تەكسەرۋ الىپ بارعانىن حابارلاعان بولاتىن.
2019 جىلدان باستاپ وسى كەزگە دەيىنگى ۋاقىتتاعى كەزەڭدى تەكسەرۋ بارسىندا كازينولاردىڭ سالىق تولەۋدەن جالتارعانى انىقتالعان.
"اتالعان فاكت بويىنشا قك-ءنىڭ 307-بابى 3-بولىگى 2-تارماعىمەن سوتقا دەيىنگى تەرگەۋ امالدارى جۇرگىزىلۋدە. ويىن بيزنەسى، ەڭبەك زاڭناماسى، ورتكە قارسى جانە سانيتارلىق-ەپيدەميولوگيالىق نورمالار سالاسىنداعى بۇزۋشىلىقتار دا انىقتالدى. پروكۋراتۋرانىڭ تالابىمەن ۋاكىلەتتى مەملەكەتتىك ورگاندار تاراپىنان كىنالىلەردى اكىمشىلىك جاۋاپكەرشىلىككە تارتۋ جانە بۇزۋشىلىقتاردى جويۋ تۋرالى نۇسقامالاردى تاپسىرۋ ءۇشىن تەكسەرۋلەر جالعاسۋدا".- دەلىنگەن بولاتىن.
ويىن مەكەمەلەرىن تەكسەرۋ ءجۇرىپ جاتقان تۇستا وبلىستىق پروكۋراتۋرا كۇشتىك قۇرلىم قىزمەتكەرلەرىنىڭ دە كازينوعا قوماقتى قارجى شاشقانىن انىقتاعان.
اسىرەسە قۇمار ويىندارىنا ىشكى ىستەر مينيسترلىگى (97 ادام) مەن قورعانىس مينيسترلىگىنىڭ (95 ادام) قىزمەتكەرلەرى اۋەس.
ودان بولەك، ولاردىڭ كازينوعا جۇمساعان اقشاسى، جىلدىق تابىسىنان الدەقايدا كوپ. ماسەلەن، جىلدىق تابىسى 10 ملن تەڭگەدەن اسپايتىن استانا اكىمدىگىنىڭ ءبىر قىزمەتكەرى كازينوعا 54 رەت بارىپ، 53 ملن تەڭگە جۇمساعان.
وسى ءىس بويىنشا جۇرت اراسىندا "ول مۇنداي اقشانى قايدان الدى؟" دەگەن ساۋال تۋىنداپ وتىر.